କାହିଁକି ବଦଳିଲା ଫେସବୁକ ନାଁ, ଆପଣଙ୍କ ଉପରେ କ’ଣ ପଡ଼ିବ ପ୍ରଭାବ ?

ନୂଆଦିଲ୍ଲୀ: ନାଁ ବଦଳାଇଲା ଫେସବୁକ୍ । ଦୁନିଆର ଲୋକପ୍ରିୟ ସୋସିଆଲ୍ ମିଡିଆ ଫେସବୁକ ନାଁ ପରିବର୍ତ୍ତନ କରି ‘ମେଟା’ ରଖିଛି । କମ୍ପାନୀର ସିଇଓ ମାର୍କ ଜକରବର୍ଗ ଗୁରୁବାର ଏନେଇ ଘୋଷଣା କରିଛନ୍ତି । ଫେସବୁକ ନାଁ ପରିବର୍ତ୍ତନ କାହିଁକି କଲା ଆସନ୍ତୁ ଜାଣିବା…

Announcing @Meta — the Facebook company’s new name. Meta is helping to build the metaverse, a place where we’ll play and connect in 3D. Welcome to the next chapter of social connection. pic.twitter.com/ywSJPLsCoD

— Meta (@Meta) October 28, 2021

ପ୍ରକୃତରେ ମାର୍କ ଜକରବର୍ଗ ଚାହାଁନ୍ତି, ତାଙ୍କ କମ୍ପାନୀକୁ କେବଳ ଏକ ସୋସିଆଲ୍ ମିଡିଆ କମ୍ପାନୀ ଭାବେ ଗଣାଯାଉ । କମ୍ପାନୀ ସୋସିଆଲ୍ ମିଡିଆରୁ ଆଗକୁ ବଢ଼ି ମେଟାବର୍ସ ୱର୍ଲ୍ଡର ପ୍ରସ୍ତୁତ କରୁଛି । ଏଥିପାଇଁ କମ୍ପାନୀ ୧୦ ହଜାର ଲୋକଙ୍କୁ ନିଯୁକ୍ତି ଦେବ । ମେଟାବର୍ସକୁ ଆପଣ ଭର୍ଚୁଆଲ୍ ରିଆଲିଟି ଭାବେ ଗ୍ରହଣ କରିପାରନ୍ତି ।

ଏଥିସହ ପଢ଼ନ୍ତୁ: ଫେସବୁକର ନୂଆ ନାଁ ‘ମେଟା’

ଅର୍ଥାତ୍ ଏମିତି ଏକ ଦୁନିଆ ଯେଉଁଠି ଲୋକଙ୍କ ଉପସ୍ଥିତି ଡିଜିଟାଲ୍ ଭାବେ ରହିବ । ଡିଜିଟାଲ୍ ମାଧ୍ୟମରେ ଜଣେ ଅନ୍ୟ ଜଣଙ୍କ ସହ ମିଶି ପାରିବ । ତେବେ ମେଟାବର୍ସ ଉପରେ କେବଳ ଫେସବୁକ୍ ନୁହେଁ ମାଇକ୍ରୋସଫ୍ଟ ଭଳି ବଡ଼ ବଡ଼ କମ୍ପାନୀ ମଧ୍ୟ ନିବେଶ କରୁଛନ୍ତି । ବହୁ ପୂର୍ବରୁ ଜକରବର୍ଗ ଭର୍ଚୁଆଲ୍ ରିୟଲିଟି ଓ ଅଗମେଣ୍ଟେଡ୍ ରିୟଲିଟି ଉପରେ ବିପୁଳ ନିବେଶ କରୁଛନ୍ତି ।

ମୋଟମୋଟା ଭାବେ କହିବାକୁ ଗଲେ ମେଟାବର୍ସ ଜଗତରେ ଆଗକୁ ବଢ଼ିବା ପାଇଁ ଫେସବୁକ୍ ନାଁ ପରିବର୍ତ୍ତନ କରି ମେଟା ରଖିଛି । ପରିବର୍ତ୍ତିତ ନାଁ କେବଳ ସହଯୋଗୀ କମ୍ପାନୀ ପାଇଁ । କମ୍ପାନୀର ଅନ୍ୟ ପ୍ଲାଟଫର୍ମ ଯେମିତି- ‘ଫେସବୁକ୍, ଇନଷ୍ଟାଗ୍ରାମ ଓ ହ୍ୱାଟ୍ସଆପ୍’କୁ ଏହି ନାମରେ ଜଣାଯିବ । ନାଁ ପରିବର୍ତ୍ତନ ଦ୍ୱାରା ବ୍ୟବହାରକାରୀଙ୍କ ଉପରେ ସିଧାସଳଖ ଭାବେ କୌଣସି ପ୍ରଭାବ ପଡ଼ିବ ନାହିଁ । ଆଗକୁ କମ୍ପାନୀ କିଛି ବଡ଼ ଘୋଷଣା କରିପାରେ ।