କାହିଁକି ଜାନୁଆରୀ ୨୬ରେ ହିଁ ପାଳନ କରାଯାଏ ସାଧାରଣତନ୍ତ୍ର ଦିବସ  ?

ସାଧାରଣତନ୍ତ୍ର, ଗଣତନ୍ତ୍ର, ରିପବ୍ଲିକ ଡେ… । ରାଷ୍ଟ୍ର ଉଦ୍ଦେଶ୍ୟରେ ରାଷ୍ଟ୍ରୀୟ ପର୍ବ । ଆମେ ସମସ୍ତେ ଜାଣୁ ଜାନୁଆରୀ ୨୬ରେ ପାଳନ କରାଯାଏ ଏହି ମହାନ ଦିବସ । ପ୍ରତିଟି ଭାରତୀୟଙ୍କ ପାଇଁ ଗୁରୁତ୍ୱପୂର୍ଣ୍ଣ ଦିନ । କିନ୍ତୁ ଏହି ଦିବସ ପାଳନ ପଛରେ କାରଣ କଣ ? କାହିଁକି ଏହି ତାରିଖକୁ ହିଁ ବଛାଗଲା? ଏସବୁ ତଥ୍ୟ ଆମେ ସମସ୍ତେ ଜାଣିବା ନିହାତି ଆବଶ୍ୟକ ।

ଏଥିପାଇଁ ଆମକୁ ୧୯୨୭କୁ ଫେରିଯିବାକୁ ହେବ । ଯେତେବେବେଳେ ଗଠନ ହେଲା ସାଇମନ କମିଶନ । କିନ୍ତୁ କୈାଣସି ଭାରତୀୟଙ୍କୁ ସ୍ଥାନ ମିଳିଲାନି । ଏ ନିଷ୍ପତ୍ତି ସ୍ୱତନ୍ତ୍ରତା ସଂଗ୍ରାମୀଙ୍କ ମନରେ ଅସନ୍ତୋଷ ଆଣେ। ସାରା ଭାରତରେ ବିଦ୍ରୋହର ବହ୍ନି ଭିତରେ, ଶୁଭେ ‘ସାଇମନ ଗୋ’ ବ୍ୟାକର ନାରା….। ଡରିଯାଆନ୍ତି ଇଂରେଜ…। ଆଉ ଏହାରି ଭିତରେ ଇଂରେଜ ଅଧିକାରୀ ବର୍ଗନ ହେଡ୍‌ ଏକ ବିଚିତ୍ର କଥା କହନ୍ତି…। ଯାହା ପୂରା ଭାରତକୁ ବାଧେ..। ଭାରତୀୟ ମାନେ ମୁର୍ଖ, ସେମାନେ ନିଜ ଶାସନ ନିଜ ହାତରେ ରଖି ପାରିବେନି । ଯଦି ପାରୁଛ ନିଜ ସମ୍ବିଧାନ ନିଜେ ପ୍ରସ୍ତୁତ କର ଆଉ ସରକାରଙ୍କୁ ହସ୍ତାନ୍ତର କର…। ଯାହାକୁ ସ୍ୱୀକାର କରନ୍ତି ସେତେବେଳର ସ୍ୱାଧୀନତା ସଂଗ୍ରାମୀର ମଙ୍ଗୁଆଳ ମାନେ ।

ମୋତିଲାଲ ନେହରୁ, ତେଜ ବାହାଦୂର, ଜବାହାରଲାଲ ନେହରୁ, ସୁଭାଷ ଚନ୍ଦ୍ର ବୋଷ ଭଳି ବ୍ୟକ୍ତିତ୍ୱଙ୍କୁ ନେଇ  ଗଠନ ହୁଏ କମିଟି ।  କିନ୍ତୁ ୧୯୨୮ର ନେହରୁ ରିପୋର୍ଟକୁ ଇଂରେଜ ଖାରଜ କରନ୍ତି । ୧୯୨୯ରେ ଲାହୋରରେ ପୁଣି ବସେ ବୈଠକ । ପୂର୍ଣ୍ଣ ସ୍ୱରାଜ ପାଇଁ ଏକତ୍ରିତ ହୁଏ ସାରା ଦେଶ ।  ୨୬ ଜାନୁଆରୀ ୧୯୩୦ରେ ସର୍ଦ୍ଦ।ର ପଟେଲଙ୍କୁ ଶ୍ରଦ୍ଧାଞ୍ଜଳି ଦେବା ସହ, ଦିଆଯାଏ ପୂର୍ଣ୍ଣ ସ୍ୱରାଜର ଡାକରା…। ସେହିଦିନଠୁ ଜାନୁଆରୀ ୨୬ ଭାରତୀୟଙ୍କ ପାଇଁ ପାଲଟିଯାଏ  ସ୍ୱାଭିମାନର ଦିନ…ଏକାଠି ହେବାର ଦିନ…।

ଏହାରି ଭିତରେ ୧୯୪୭ରେ ସ୍ୱାଧୀନ ହୁଏ ଭାରତ…

ସେପଟେ ଭାରତର ସମ୍ବିଧାନ ରଚିବାକୁ ଅଣ୍ଟାଭିଡ଼ନ୍ତି ଆମ୍ବେଦକର

ଏଥିପାଇଁ ଲାଗେ ୨ ବର୍ଷ ୧୧ ମାସ ଓ ୧୮ ଦିନ…

ସାରା ଭାରତକୁ ଯୋଉ ଶାସ୍ତ୍ର ଯୋଡ଼ିଥାଏ, ସେ ହେଉଛି ଆମ ମହାନ ସମ୍ବିଧାନ । ଯାହାର ପ୍ରଣୟନ ପାଇଁ ଖାସ ଦିନ ତ ନିହାତି ଆବଶ୍ୟକ ଥିଲା । ସେଥିପାଇଁ ୧୯୩୦ ଜାନୁଆରୀ ୨୬ର ସେହି ଦିନକୁ ସ୍ମରଣୀୟ କରିବାକୁ….୨୬ ଜାନୁଆରୀ ୧୯୫୦ରେ ପ୍ରଣିତ ହୁଏ ଆମ ସମ୍ବିଧାନ । ବ୍ରିଟିଶ ସାମ୍ବିଧାନିକ ବ୍ୟବସ୍ଥାର ଅପସାରଣ ହୁଏ । ଭାରତ ହୁଏ ଏକ ସାର୍ବଭୌମ୍ୟ ଗଣତାନ୍ତିକ ରାଷ୍ଟ୍ର ।

ଏହି ରାଷ୍ଟ୍ରୀୟ ପର୍ବ ଦିନ ଦିଲ୍ଲୀରେ ଆୟୋଜିତ ହୁଏ ବିଶେଷ ପରେଡ୍‌ । ଭାଗ ନିଅନ୍ତି ସ୍ଥଳ,ବାୟୁ ଓ ନୌସେନାର ଯବାନ । ଅଶୋକଚକ୍ର ପରି ଗୁରୁତ୍ୱପୂର୍ଣ୍ଣ ସମ୍ମାନ ଦିଆଯାଏ । ଅଭିବାଦନ ଗ୍ରହଣ କରନ୍ତି ରାଷ୍ଟ୍ରପତି, ପ୍ରତିବର୍ଷ ଜଣେ ମୁଖ୍ୟ ଅତିଥି ସାମିଲ ହୁଅନ୍ତି । ବିଭିନ୍ନ ରାଜ୍ୟର କଳା ଓ ସଂସ୍କୃତିର ଝଲକ ଦେଖେ ବିଶ୍ୱ । ତେବେ ପୂର୍ବରୁ ରାଜପଥରେ ଆୟୋଜିତ ହେଉ ନ ଥିଲା ଗଣତନ୍ତ୍ର ଦିବସ ପରେଡ୍‌ । ୧୯୫୪ ପର୍ଯ୍ୟନ୍ତ ଗଣତନ୍ତ୍ର ଦିବସ ଲାଲକିଲ୍ଲାରେ ଓ ରାମଲୀଲା ମୈଦାନରେ ଆୟୋଜିତ ହେଉଥିଲା । ୧୯୫୫ରୁ ଏହା ରାଜପଥରେ ଆୟୋଜିତ ହେଉଛି । ୧୯୫୦ରେ ପ୍ରଥମ ଗଣତନ୍ତ୍ର ଦିବସ ପରେଡରେ ମୁଖ୍ୟ ଅତିଥି ଭାବେ ଯୋଗ ଦେଇଥିଲେ ଇଣ୍ଡେ।ନେସିଆର ରାଷ୍ଟ୍ରପତି ସୁକର୍ଣ୍ଣୋ । ସେହିପରି ୧୯୫୫ରେ ପାକିସ୍ତାନର ଗଭର୍ଣ୍ଣର ଜେନେରାଲ ମଲ୍ଲିକ ଗୁଲାମ ମହମ୍ମଦଙ୍କୁ ପରେଡରେ ମୁଖ୍ୟ ଅତିଥି ହେବା ପାଇଁ ଆମନ୍ତ୍ରଣ କରିଥିଲା ଭାରତ ।  ପ୍ରତିବର୍ଷ ଜାନୁଆରୀ ୨୬ ପରେଡରେ ନିଜର ସାହାସ, ଶକ୍ତି ଓ ଏକତା ଦେଖାଉଛି ଭାରତ, ଆଉ ଦେଖୁଛି ସାରା ବିଶ୍ୱ ।