କାହିଁକି ବ୍ରିଜଭୂଷଣଙ୍କୁ ଗିରଫ କରିନି ପୋଲିସ ? ଦୁଇ FIRରେ ବିଜେପି ବାହୁବଳୀ ନେତାଙ୍କ କଳା କାରନାମାର ଫୁଲ ଡିଟେଲ
1 min read
ନୂଆଦିଲ୍ଲୀ: ଦୁଇ FIR, ୧୦ ଅଭିଯୋଗ । ବ୍ରିଜଭୂଷଣଙ୍କ ବିରୋଧରେ ଲାଗିଛି ସଂଗୀନ ଦଫା । ଧାରା ୩୫୪, ୩୫୪ ଏ, ୩୫୪ ଡି ଓ ପୋକସୋ ଆକ୍ଟରେ ମାମଲା ଦାଏର କରିଛି ପୋଲିସ । ଏତଲାରେ ୨୦୧୨ରୁ ୨୦୨୨ ମଧ୍ୟରେ ୧୦ଟି ଘଟଣାର ସମ୍ପର୍କରେ ଉଲ୍ଲେଖ କରାଯାଇଛି । ଟୁର୍ଣ୍ଣାମେଣ୍ଟ ବେଳେ ଖେଳାଳିଙ୍କ ପ୍ରତି ଅଶ୍ଳୀଳ ଆଚରଣ, ଜବରଦସ୍ତି ମହିଳା ଖେଳାଳିଙ୍କୁ ଆଲିଙ୍ଗନ କରିବା, ମହିଳା କୁସ୍ତଯୋଦ୍ଧାଙ୍କୁ ବାହାନାରେ ଛୁଇଁବା ଆଦି ଅଭିଯୋଗ ଏତଲାରେ ଉଲ୍ଲେଖ ରହିଛି ।
ଫଟୋ ଉଠାଇବା ବାହାନାରେ ଛୁଇଁବା ଓ ବ୍ରିଜଭୂଷଣ ତାଙ୍କ ପିଛା କରୁଥିଲେ ବୋଲି ପୀଡ଼ିତା ନାବାଳିକାଙ୍କ ଏତଲାରେ ଉଲ୍ଲେଖ କରିଛନ୍ତି । ବିଜେପିର ବାହୁବଳି ନେତା ତଥା ରେସଲର ସଂଘ ସଭାପତିଙ୍କ ବିରୋଧରେ କୁସ୍ତିଯୋଦ୍ଧା ଆଣିଥିବା ଅଭିଯୋଗ ଆଧାରରେ ସଂଗୀନ ଦଫା ଲାଗିଥିଲେ ବି ଏଯାଏଁ ବ୍ରିଜଭୂଷଣଙ୍କୁ ଗିରଫ କରିନି ପୋଲିସ ।
