ଚେନ୍ନାଇଠାରୁ ମୁମ୍ବାଇ ହାରିବାର ମୁଖ୍ୟ କାରଣ

ନନ୍ଦିଘୋଷ ବ୍ୟୁରୋ: ରବିବାର ଆଇପିଏଲର ଏକ ଗୁରୁତ୍ବପୂର୍ଣ୍ଣ ମ୍ୟାଚରେ ଚେନ୍ନାଇ ସୁପରକିଙ୍ଗ୍ସ ଏବଂ ମୁମ୍ବାଇ ଇଣ୍ଡିଆନ୍ସ ମଧ୍ୟରେ ଖେଳାଯାଇଥିଲା । ଏହି ମ୍ୟାଚରେ ମୁମ୍ବାଇର ପରାଜୟ ହୋଇଛି । ’ପତା ହେ ହମ୍ କାହାଁ ହାରେ’ ମହେନ୍ଦ୍ର ସିଂ ଧୋନୀଙ୍କ ଜୀବନୀକୁ ନେଇ ନିର୍ମାଣ ହୋଇଥିବା ଫିଲ୍ମ ଏମ.ଏସ୍.ଧୋନୀ ଦ ଅନଟୋଲ୍ଡ ଷ୍ଟୋରୀରେ ଏହି ଡାଏଲଗ ବେଶ ହିଟ୍ ହୋଇଥିଲା । ପଞ୍ଜାବ ବିପକ୍ଷ ମ୍ୟାଚରେ ଧୋନୀ ନିଜ ସାଥୀ ଖେଳାଳିଙ୍କୁ ଏଭଳି କହିଥିବା ଦେଖିବାକୁ ମିଳିଥିଲା । ମାତ୍ର ଧୋନୀ ଆନ୍ତର୍ଜାତୀୟ କ୍ରିକେଟ ଏବଂ ଆଇପିଏଲରେ ଧୋନୀ ଯେବେଠାରୁ ଅଧିନାୟକ ବନିଲେ ସେବେଠାରୁ ବିପକ୍ଷ ଅଧିନାୟକମାନେ ଏହି ଡାଏଲଗ ମାରୁଛନ୍ତି । ବିଚକ୍ଷଣ ରଣକୌଶଳ ପାଇଁ ଧୋନୀ ବାହିନୀ ସବୁବେଳେ ବିଜୟୀ ହୋଇଥାଏ । ତେବେ ରବିବାର ମୁମ୍ବାଇ ବିପକ୍ଷ ମ୍ୟାଚରେ ଧୋନୀ ମାଷ୍ଟରମାଇଣ୍ଡ ଦେଖିବାକୁ ମିଳିଥିଲା ।

ପଥିରାନାଙ୍କ ଘାତକ ବୋଲିଂ ଏବଂ ଧୋନୀ ଅନ୍ତିମ ଓଭରରେ ମାଡ଼ ମୁମ୍ବାଇ ପାଇଁ ପ୍ଲସ ପଏଣ୍ଟ ହୋଇଛି । ତେବେ ଏମିତି ଏକ ସମୟ ଥିଲା କି, ମୁମ୍ବାଇ ସପକ୍ଷରେ ଚାଲିଥିଲା ମ୍ୟାଚ୍ । ରୋହିତ ଏବଂ ତିଲକ ବର୍ମାଙ୍କ ବ୍ୟାଟିଂ ଦଳକୁ ବିଜୟ ପଥରେ ଅଗ୍ରସର କରୁଥିଲା । ମାତ୍ର ୧୩ରୁ ୧୬ ଓଭର ମଧ୍ୟରେ ଚେନ୍ନାଇ ସପକ୍ଷରେ ମ୍ୟାଚ ଆସିଥିଲା । ଏହି ୩ ଓଭର ମଧ୍ୟରେ ମୁମ୍ବାଇ ମାତ୍ର ୧୭ ରନ ସଂଗ୍ରହ କରିବା ସହ ୨ ମୂଲ୍ୟବାନ ଓ୍ବିକେଟ ହରାଇଥିଲା । ସେପଟେ ପାଣ୍ଡ୍ୟା, ସେଫର୍ଡ, ଟିମ୍ ଡେଭିଡ୍ ଏବଂ ନବିଙ୍କ ଭରସା ରହିଥିବାବେଳେ ଏମାନେ ବଡ଼ ପାଳି ଖେଳିବାରେ ବିଫଳ ହୋଇଥିଲେ ।