ପ୍ରଭୁ ରାମଚନ୍ଦ୍ରଙ୍କ ବନବାସ କଥା କାହିଁକି ମନେ ପକାଇଲେ ବାଗଚୀ ?

ଭୁବନେଶ୍ୱର: ପ୍ରଭୁ ରାମଚନ୍ଦ୍ରଙ୍କ ବନବାସ କଥାକୁ ମନେ ପକାଇଛନ୍ତି କରୋନା ମୁକାବିଲା କମିଟି ମୁଖ୍ୟ ମୁଖପାତ୍ର ସୁବ୍ରତ ବାଗଚୀ । ମର୍ତ୍ତ୍ୟରେ ମାନବ ରୂପ ନେଇ ଆସିଥିବା ଭଗବାନ ରାମଚନ୍ଦ୍ର ସିଂହାସନ ତ୍ୟାଗ କରି ଭିକ୍ଷୁଙ୍କ ଭଳି ସ୍ତ୍ରୀ ଓ ଭାଇଙ୍କ ସହ ୧୪ ବର୍ଷ ବନବାସ ଯାଇଥିଲେ । ଯେ କୌଣସି କଠିନ ପରିସ୍ଥିତିରେ ସୁଖରେ ବିତୁଥିବା ଜୀବନକୁ ତ୍ୟାଗ କରି ଅଜଣା, ଅଶୁଣା କଷ୍ଟସାଧ୍ୟ ଜୀବନ ହେଉଛି ବନବାସ ।

ଶାସ୍ତ୍ର କହୁଛି, ‘ଯଥା ଦେହେ, ତଥା ଦେବେ ।’ ଯେପରି ଦେହଧାରୀ… ମର୍ତ୍ତ୍ୟରେ ଭଗବାନ ଜନ୍ମ ନେଲେ ବି ତାଙ୍କୁ ମଣିଷ ଭଳି ଚଳିବାକୁ ପଡ଼େ, କଷ୍ଟେ ସହିବାକୁ ପଡ଼େ । ପ୍ରଭୁ ରାମଚନ୍ଦ୍ର ୧୪ ବର୍ଷ ବନବାସ ଭଳି ଆଗାମୀ ୧୪ ଦିନ ପାଇଁ ରାଜ୍ୟବାସୀଙ୍କୁ ସାହାସ, ଶକ୍ତି ଓ ବିଶ୍ୱାସ ଦିଅନ୍ତୁ ବୋଲି ବାଗଚୀ କହିଛନ୍ତି ।