ମା’ ଏବଂ ୪ ଭଉଣୀଙ୍କୁ ହୋଟେଲରେ କାହିଁକି ହତ୍ୟା କଲା ପୁଅ ?

ନନ୍ଦିଘୋଷ ବ୍ୟୁରୋ: ନୂଆବର୍ଷରେ ଲକ୍ଷ୍ନୌରୁ ଆସିଛି ଏକ ଲୋମହର୍ଷକ ଘଟଣା । ନିଜର ୪ ଭଉଣୀଙ୍କ ସହ ଜନ୍ମକଲା ମାକୁ ମାରିଦେଲା ପୁଅ । ଲକ୍ଷ୍ନୌରୁ ଏଭଳି ଏକ ଘଟଣା ସାମନାକୁ ଆସିଥିବାବେଳେ ଏହାକୁ ନେଇ ଖେଳି ଯାଇଛି ଚାଞ୍ଚଲ୍ୟ । ତେବେ ଅଭିଯୁକ୍ତକୁ ପୋଲିସ ଅଟକ ରଖି ପଚରା ଉଚରା କରୁଛି । ୨୪ ବର୍ଷିୟ ଅରଶଦ ଏଭଳି ଜଘନ୍ୟକାଣ୍ଡ ଭିଆଇଛି ।

ଗତ ୩୦ ତାରିଖରେ ଅରଶଦଙ୍କ ପରିବାର ଲୋକେ ନାକା ଅଞ୍ଚଳର ଏକ ହୋଟେଲରେ ରହିବାକୁ ଆସିଥିଲେ । ସମସ୍ତେ ୧୦୯ ନମ୍ବର ରୁମରେ ରହିଥିଲେ ।  ୩୧ ତାରିଖ ରାତିରେ ମା ଏବଂ ଭଉଣୀମାନଙ୍କ ଗଳା କାଟି ହତ୍ୟା କରିଥିବା ପୋଲିସ ପାଖରେ ଖବର ପହଞ୍ଚିଥିଲା । ଅଭିଯୁକ୍ତକୁ ପୋଲିସ ଗିରଫ କରିଥିବାବେଳେ ପ୍ରାଥମିକ ତଦନ୍ତରୁ ଜଣା ପଡ଼ିଛି କି, ପାରିବାରିକ କଳହରୁ ଏଭଳି ଘଟିଛି ।