ମାତ୍ର ୨୩ ବର୍ଷ ବୟସରେ ଧର୍ମ ପରିବର୍ତ୍ତନ କରିବାକୁ ବାଧ୍ୟ ହୋଇଥିଲେ ରହମାନ୍

ମୁମ୍ବାଇ: ବଲିଉଡର ଲୋକପ୍ରିୟ ସଂଗୀତକାର ଏ ଆର୍ ରହମାନଙ୍କ ଗୀତଗୁଡିକ କେବଳ ଦେଶରେ ନୁହେଁ, ପୂରା ବିଶ୍ୱରେ ପସନ୍ଦ କରାଯାଏ । ସେ ଭାରତୀୟ ସିନେମାର ସଙ୍ଗୀତକୁ ଏକ ଭିନ୍ନ ଦିଗକୁ ନେଇଯାଇଛନ୍ତି । ଆଉ ଏଥି ପାଇଁ ତାଙ୍କୁ ଖିବ୍ ପସନ୍ଦ ମଧ୍ୟ କରାଯାଏ । ଦେଶ ପାଇଁ ଓସ୍କାର ଏବଂ ଗ୍ରାମି ପୁରସ୍କାର ଜିତିଥିବା ରହମାନଙ୍କ ବୃତ୍ତିଗତ ଜୀବନ ସହ ତାଙ୍କ ବ୍ୟକ୍ତିଗତ ଜୀବନ ପାଇଁ ମଧ୍ୟ ଚର୍ଚ୍ଚାରେ ରହିଛନ୍ତି । କିନ୍ତୁ ଆପଣ ଜାଣନ୍ତି କି ଆର୍ ରହମାନଙ୍କ ଅର୍ଥାତ୍ ଆଲ୍ଲାହା ରଖା ରହମାନଙ୍କ ପ୍ରକୃତ ନାମ ଦିଲ୍ଲୀପ କୁମାର ଥିଲା ।

ଆର୍ ରହମାନଙ୍କ ଜନ୍ମ ୧୯୬୭ମସିହା ଜାନୁଆରୀ ୬ରେ ତାମିଲନାଡୁର ମାଡ୍ରାସରେ ହୋଇଥିଲା । ତାଙ୍କ ବାପା ଆର.କେ ଶେଖର ଫିଲ୍ମର ବ୍ୟାକଗ୍ରାଉଣ୍ଡ ମ୍ୟୁଜିକ ପ୍ରସ୍ତୁତ କରନ୍ତି । ଏ ଆର୍ ରହମାନ ମାତ୍ର ଚାରି ବର୍ଷ ବୟସରେ ପିଆନୋ ଶିଖିବା ଆରମ୍ଭ କରିଥିଲେ ।

ଯେତେବେଳେ ରହମାନଙ୍କ ବାପାଙ୍କର ମୃତ୍ୟୁ ହୋଇଥିଲା, ସେତେବେଳେ ତାଙ୍କୁ ମାତ୍ର ୯ ବର୍ଷ ହୋଇଥିଲା । ଆଉ ତାଙ୍କ ବାପାଙ୍କ ଦେହାନ୍ତ ପରେ ରହମାନଙ୍କ ପରିବାର ଘରେ ଥିବା ବାଦ୍ୟଯନ୍ତ୍ରକୁ ଭଡା କରି ରୋଜଗାର କରିବା ଆରମ୍ଭ କରିଥିଲେ । ସେହି ସମୟରେ ପାଠ ପଢୁଥିବା ରହମାନଙ୍କ ଉପରେ ପରିବାର ଭରଣ ପୋସଣର ଦାୟିତ୍ୱ ଆସିଯାଇଥିଲା । ଯେଉଁଥିପାଇଁ ସେ ଆଉ ପାଠ ପଢିପାରି ନଥିଲେ ଏବଂ ପରୀକ୍ଷାରେ ଫେଲ ହୋଇଥିଲେ । ଆଉ ଏହା ପରେ ସ୍କୁଲର ପ୍ରିନ୍ସପାଲ ତାଙ୍କୁ ଏବଂ ତାଙ୍କ ମାଙ୍କୁ ଅପମାନିତ କରିଥିଲେ । ଆଉ କହିଥିଲେ ଯେ, ମା ପୁଅ ଯଆଇ ରାସ୍ତାରେ ଭିକ ମାଗ ଆଉ ସ୍କୁଲକୁ ଆସିବା ଦରକାର ନାହିଁ । ୨୦୧୨ରେ ଏକ ସାକ୍ଷାତକାରରେ ଆର୍ ରହମାନ୍ ନିଜେ ଏ କଥା କହିଥିଲେ ।

ଆଉ ଏହା ପରେ ଏ ଆର୍ ରହମାନ ଅନ୍ୟ ଏକ ସ୍କୁଲରେ ପଢିଥିଲେ, ଯେଉଁଠାରେ ସେ ତାଙ୍କ ଉଚ୍ଚ ବିଦ୍ୟାଳୟର ସହପାଠୀମାନଙ୍କ ସହିତ ଏକ ବ୍ୟାଣ୍ଡପାର୍ଟି ତିଆରି କରିଥିଲେ । ଏହା ପରେ, ସେ ତାଙ୍କ ମା ସହିତ ଆଲୋଚନା କରିବା ପରେ ପାଠ ପଢା ଛାଡି ପୂରା ସମୟ ସଂଗୀତରେ ବତାଇ ଥିଲେ ଏବଂ ଏହି କ୍ଷେତ୍ରରେ ନିଜର କ୍ୟାରିଅର୍ କରିବାକୁ ନିଷ୍ପତ୍ତି ନେଇଥିଲେ । ସେ ତାଙ୍କ ପିଲାଦିନର ସାଙ୍ଗମାନଙ୍କ ସହିତ ଏକ ବ୍ୟାଣ୍ଡ ପାର୍ଟି କରିଥିଲେ । ସେ ଅନେକ ବାଦ୍ୟଯନ୍ତ୍ର ବଜାଇବାରେ ପାରଙ୍ଗମ ଥିଲେ । ଆଉ ତା’ପରେ ତାଙ୍କର କଠିନ ସଂଘର୍ଷ ପରେ ସେ ସଫଳତା ହାସଲ କଲେ ।

ରହମାନଙ୍କ ଧର୍ମ ପରିବର୍ତ୍ତନ ସହ ଜଡିତ ଅନେକ କାହାଣୀ ଅଛି, କିନ୍ତୁ କୁହାଯାଏ ଯେ ୧୯୮୪ରେ ତାଙ୍କ ଭଉଣୀର ସ୍ୱାସ୍ଥ୍ୟ ଅବସ୍ଥା ବିଗିଡି ଯାଇଥିଲା। ସେହି ସମୟରେ ସେ କାଦ୍ରିଙ୍କୁ ଭେଟିଥିଲେ । ୨୩ବର୍ଷ ବୟସରେ ସେ ନିଜ ପରିବାର ସହିତ ଇସଲାମ ଧର୍ମ ଗ୍ରହଣ କରିଥିଲେ ଏବଂ ଦିଲୀପ କୁମାରଙ୍କ ନାମ ଆଲ୍ଲାହା ରଖା ରେହମାନରେ ପରିବର୍ତ୍ତନ କରିଥିଲେ ।