ଏକାମ୍ର ପାଇଁ ଚକ୍ରାନ୍ତ; ଅପରାଜିତା ଚୁପ୍ କାହିଁକି ?

1 min read
Why Aparajita Sarangi Is Silent Over Ekamra kshetra

ଭୁବନେଶ୍ୱର: ଭୁବନେଶ୍ୱରର ବିକାଶ ମୋର ଏକାନ୍ତ କାମ୍ୟ । ସବୁବେଳେ ଏକଥା କହୁଥିବା ବିଜେପି ସାଂସଦ ଅପରାଜିତା ଷଡ଼ଙ୍ଗୀଙ୍କ ପତ୍ତା ମିଳୁନି । ଏକଥା ଆମେ କହୁନୁ ବରଂ ଅପରାଜିତା ନିଖୋଜ ନେଇ ସୋସିଆଲ୍ ମିଡିଆରେ ଟ୍ରେଣ୍ଡ ହେଉଛି । ମାଇକ୍ରୋ ବ୍ଲଗିଂ ସାଇଟ୍ ଟ୍ୱିଟରରେ ଅପରାଜିତା ନିଖୋଜ ନେଇ ୨୫ ଶହରୁ ଅଧିକ ଟ୍ୱିଟ୍ ହୋଇଛି । ତେବେ, କୁଆଡ଼େ ଗଲେ ଅପରାଜିତା ? କଣ ସତରେ ଅପରାଜିତା ନିଖୋଜ ନା କାରଣ ଆଉ କିଛି ।

Why Aparajita Sarangi Is Silent Over Ekamra kshetra

ନିକଟରେ କେନ୍ଦ୍ରୀୟ ସ୍ମାରକୀ ପ୍ରାଧିକରଣ (NMA) ଏକାମ୍ର କ୍ଷେତ୍ର ପାଇଁ ପ୍ରସ୍ତାବିତ ବାଇ-ଲ’ ପ୍ରକାଶ କରିଛନ୍ତି । ଫଳରେ ଏକାମ୍ର କ୍ଷେତ୍ରର ବିକାଶ ବାଧାପ୍ରାପ୍ତ ହେବ । କିନ୍ତୁ, ବିକାଶକୁ ନେଇ ସବୁବେଳେ ଡିଣ୍ଡିମ ପିଟୁଥିବା ମାଡାମ୍ ଅପରାଜିତା ଏହାକୁ ନେଇ ପୂରା ଚୁପ୍ ଅଛନ୍ତି । କଥା କଥାରେ ପ୍ରେସମିଟ୍ ଆଉ ଟ୍ୱିଟ୍ କରୁଥିବା ବିଜେପି ସାଂସଦ ଅପରାଜିତା ଷଡ଼ଙ୍ଗୀ ଜମାରୁ ପାଟି ଖୋଲୁନାହାଁନ୍ତି । ଯାହାକୁ ସହଜରେ ଗ୍ରହଣ କରିପାରି ନାହାଁନ୍ତି ଓଡ଼ିଶା ବାସୀ ।

Why Aparajita Sarangi Is Silent Over Ekamra kshetra

ପ୍ରସ୍ତାବିତ ବାଇ-ଲ’କୁ ନେଇ ଭୁବନେଶ୍ୱରରୁ ଦିଲ୍ଲୀ ପଡ଼ୁଥିବା ଉଠୁଥିବା ବେଳେ ଅପରାଜିତା ନୀରବ । ସମସ୍ତେ ବାଇ-ଲ’କୁ ବିରୋଧ କରୁଛନ୍ତି । କିନ୍ତୁ, ଚୁପ୍ ବସିଛନ୍ତି ଖୋଦ୍ ଭୁବନେଶ୍ୱର ସାଂସଦ । ରାଜଧାନୀରେ ତମାମ୍ ପ୍ରତିବାଦ ସତ୍ତ୍ୱେ ସାଂସଦଙ୍କ ନିଦ୍ରା ଭାଙ୍ଗୁନି । ଦିଲ୍ଲୀରେ ଅଛନ୍ତି,ଭୁବନେଶ୍ୱର ଆସୁନାହାନ୍ତି କି ବିରୋଧ କରୁଥିବା ଲୋକ କିମ୍ବ ଲିଙ୍ଗରାଜ ମନ୍ଦିର ସେବାୟତ କାହା ସହ ମଧ୍ୟ ଆଲୋଚନା ଲାଗି କୌଣସି ଉଦ୍ୟମ ନାହିଁ । ମଙ୍ଗଳବାର ସାଂସଦ ଲୋକସଭାରେ ରାଷ୍ଟ୍ରପତିଙ୍କ ଅଭିଭାଷଣ ଉପରେ ଧନ୍ୟବାଦ ପ୍ରସ୍ତାବରେ ଅପରାଜିତା ମତ ରଖିଥିଲେ । କିନ୍ତୁ, ଏକ୍ରାମ କ୍ଷେତ୍ରର ଐତିହ୍ୟ ଏନଏମ୍ଏର ପ୍ରସ୍ତାବିତ ବାଇ-ଲ’ ଦ୍ୱାରା କିଭଳି ବାଧାପ୍ରାପ୍ତା ହେବ କିମ୍ବା ଲୋକଙ୍କ ବିରୋଧ ନେଇ କିଛି କହିନଥିଲେ ।

ଅପରାଜିତାଙ୍କ ଏଭଳି ନୀରବତାକୁ କେହି ସହଜରେ ଗ୍ରହଣ କରିପାରୁ ନାହାଁନ୍ତି । ଖାଲି ଓଡ଼ିଆ ନୁହେଁ ଅପରାଜିତାଙ୍କ ଏଭଳି ନିରବତାକୁ ଅଣ-ଓଡ଼ିଆ ମଧ୍ୟ ପ୍ରଶ୍ନ ଉଠାଇଛନ୍ତି । ରିତେଶ ତ୍ୟାଗି ନାମକ ୟୁଜରେ ଅପରାଜିତା ତୁଣ୍ଡି ବାନ୍ଧିଛନ୍ତି କାହିଁକି ବୋଲି ଲେଖିଛନ୍ତି ।

ମୁକ୍ତି ସେଗାଲ ଲେଖିଛନ୍ତି- ଆପଣ କାହିଁକି ଓଡ଼ିଶାର ବଡ଼ ବିବାଦୀୟ ପ୍ରସଙ୍ଗରେ ନୀରବ ଅଛନ୍ତି ।

ସାହିଲ ରଣା ନାମକ ୟୁଜର୍ ଲେଖିଛନ୍ତି- ମାଡାମ ଆପଣଙ୍କ ମୁହଁରୁ ମନ୍ଦିର ବିଷୟରେ କିଛି ଶୁଣିବାକୁ ଚାହୁଁଛୁ । ବିପଦରେ ମନ୍ଦିର ମାଳିନୀ ସହରର ବିକାଶ, ଏପରି ସଙ୍ଗୀନ ସମୟରେ କୁଆଡ଼େ ଗଲେ ଅପରାଜିତା ?

ଅର୍ଜିତ ଭଟ୍ଟ ନାମକ ୟୁଜର୍ ଲେଖିଛନ୍ତି- ଅପରାଜିତା କୁହନ୍ତୁ ।

ବିଶାଲ ନାମକ ୟୁଜର ଲେଖିଛନ୍ତି- ଅପରାଜିତା ଭୁବନେଶ୍ୱର ସହ ଛିଡ଼ା ହୁଅନ୍ତୁ ।

ଅପରାଜିତାଙ୍କ ନୀରବତାକୁ ନେଇ ସୋସିଆଲ୍ ମିଡିଆ ହୁଲସ୍ତୁଲ୍ ହେଉଥିବା ବେଳେ କେବେ ଭାଙ୍ଗୁଛି ଅପରାଜିତାଙ୍କ ନିଦ, ତାହା ଦେଖିବାର କଥା ।

Opn Commnet Area

Leave a Reply

Your email address will not be published. Required fields are marked *

Close Bitnami banner