କ୍ୟାପିଟାଲ ହସ୍ପିଟାଲରେ WHOର ଟିମ୍,କୋଭିଡ୍ ପ୍ରୋଟୋକଲ ଉପରେ ଗୁରୁତ୍ୱ

ଭୁବନେଶ୍ୱର: ଦେଶରେ ବଢୁଛି କରୋନା ସଂକ୍ରମିତଙ୍କ ସଂଖ୍ୟା । ଦିନ ବଢିବା ସହ ସଂକ୍ରମିତଙ୍କ ସଂଖ୍ୟା ମଧ୍ୟ ବଢିବାରେ ଲାଗିଛି । ଏଭଳି ପରିସ୍ଥିତି କେବଳ ଦେଶର ନୁହେଁ ପୂରା ବିଶ୍ୱ ଏବେ ସମାନ ପରିସ୍ଥିତ ଦେଇ ଗତିକରୁଛି । କେଉଁ ସ୍ଥାନରେ କିଭଳି ସ୍ୱାସ୍ଥ୍ୟ ସେବାର ସୁବିଧା ରହିଛି ସେନେଇ ଧ୍ୟାନ ଦିଆଯାଇଛି । ଏସବୁ ଦୃଷ୍ଟିରେ ରଖି ବିଶ୍ୱ ସ୍ୱାସ୍ଥ୍ୟ ସଂଗଠନ ମଧ୍ୟ ଅଣ୍ଟା ଭିଡ଼ିଛି । ଏହାର କିଛି ଟିମ ବିଭିନ୍ନ ରାଜ୍ୟର ସ୍ୱାସ୍ଥ୍ୟ ସେବା ପରୀକ୍ଷଣ କରିବା ସହ କୋଭିଡର ସ୍ଥିତି ସମୀକ୍ଷା କରୁଛନ୍ତି । ଏନେଇ ଆଜି WHOର ଏକ ଟିମ କ୍ୟାପିଟାଲ ହସପିଟାଲରେ କୋଭିଡ଼ ମୁକାବିଲା ପାଇଁ ଡାକ୍ତରଖାନା କେତେ ପ୍ରସ୍ତୁତ ତାହାର ସ୍ଥିତି ସମୀକ୍ଷା କରିଛନ୍ତି ।

(କ୍ୟାପିଟାଲ ହସ୍ପିଟାଲରେ‘ହୁ’ ଟିମ୍‌ )

ବିଶ୍ୱ ସ୍ୱାସ୍ଥ୍ୟ ସଂଗଠନର ଏକ ଟିମ୍ କ୍ୟାପିଟାଲ ହସ୍ପିଟାଲ ଆସି କୋଭିଡ ସ୍ଥିତିର ସମୀକ୍ଷା କରିଛନ୍ତି । ଏହି ଅବସରରେ ରାଜ୍ୟ ସରକାରଙ୍କ ଏକ ଟିମ୍ ଉପସ୍ଥିତ ଥିଲେ । ଏହି ଭିତ୍ତିରେ  ଡବ୍ଲୁଏଚ୍‌ଓର ଟିମ୍ ଲିଡର ଡା. ନିହାର ରାୟ ଓ ୟୁଏନ୍‌ଏଫ୍‌ପିଏର ଡା. ଦୀପା କ୍ୟାପିଟାଲ ହସ୍ପିଟାଲ ପରିଦର୍ଶନ କରିଥିଲେ । କରୋନା ମହାମାରୀ ପରିସ୍ଥିତିରେ ରାଜ୍ୟର ଯେ କୌଣସି ହସ୍ପିଟାଲ କରୋନା ପାଇଁ ପ୍ରସ୍ତୁତ ରହିବା ଜରୁରୀ । ଏଭଳି ପରିସ୍ଥିତିରେ କରୋନା ସଂକ୍ରମିତଙ୍କୁ କିଭଳି ଚିହ୍ନଟ କରାଯିବ ଓ ସେମାନଙ୍କୁ ଅଲଗା ରଖାଯିବ ତାହାର ଏକ ପ୍ରୋଟୋକଲ ରହିବା ଜରୁରୀ ବୋଲି whoର ଅଧିକାରୀ କହିଛନ୍ତି।