ଭାରତ ବୟୋଟେକର କୋଭିଡ ଟିକା କୋଭାକ୍ସିନ୍ ଉପରେ କଟକଣା ଲଗାଇଲା WHO
1 min read
ନୂଆଦିଲ୍ଲୀ: ବିଶ୍ୱ ସ୍ୱାସ୍ଥ୍ୟ ସଂଗଠନ ଭାରତ ବାୟୋଟେକର କୋଭିଡ ଟିକା କୋଭାକ୍ସିନର ଯୋଗାଣ ଉପରେ କଟକଣା ଲଗାଇଛି । ଜାତିସଂଘର ବିଭିନ୍ନ ଏଜେନ୍ସି ଜରିଆରେ କୋଭାକ୍ସିନର ଯୋଗାଣ ଉପରେ ରୋକ୍ ଲଗାଇଛି ବିଶ୍ୱ ସ୍ୱାସ୍ଥ୍ୟ ସଂଗଠନ । ଏହାଦ୍ୱାରା ଭାରତ ବାୟୋଟେକ ଟିକା ପ୍ରସ୍ତୁତ ପାଇଁ ଥିବା ବ୍ୟବସ୍ଥାକୁ ଅପଗ୍ରେଡ୍ କରି ତ୍ରୁଟିବିଚ୍ୟୁତି ଦୂର କରିପାରିବ ବୋଲି ବିଶ୍ୱ ସ୍ୱାସ୍ଥ୍ୟ ସଂଗଠନ କହିଛି । ତେବେ କୋଭାକ୍ସିନ ପ୍ରଭାବୀ ଟିକା ।
ଏଥିରେ କୌଣସି ସନ୍ଦେହ ରହିବା ଉଚିତ ନୁହେଁ ବୋଲି କହିଛି ବିଶ୍ୱ ସ୍ୱାସ୍ଥ୍ୟ ସଂଗଠନ । କୋଭାକ୍ସିନ ଟିକା ଗ୍ରହଣ କରୁଥିବା ଦେଶଗୁଡିକ ଉଚିତ କାର୍ଯ୍ୟାନୁଷ୍ଠାନ ଗ୍ରହଣ କରନ୍ତୁ ବୋଲି ସଂଗଠନ କହିଛି । ମାର୍ଚ୍ଚ ୧୪ରୁ ୨୨ ଯାଏଁ ପୋଷ୍ଟ ଇମରଜେନସୀ ୟୁଜ୍ ଲିଷ୍ଟିଂ- ଇୟୁଏଲ ତଦାରଖ ପରେ କୋଭାକ୍ସିନ ଯୋଗାଣ ସ୍ଥଗିତ ରଖିବା ପାଇଁ ବିଶ୍ୱ ସ୍ୱାସ୍ଥ୍ୟ ସଂଗଠନ ନିଷ୍ପତ୍ତି ନେଇଛି । ଏଣେ ଟିକାର ଗୁଣାତ୍ମକ ମାନ ସହ କୌଣସି ସାଲିସ କରାଯାଇନାହିଁ ବୋଲି ଭାରତ ବାୟୋଟେକ କହିଛି ।
