WHO ମ୍ୟାପରେ ଭାରତଠୁ ଅଲଗା ଜମ୍ମୁ-କାଶ୍ମୀର ଓ ଲଦାଖ

ନୂଆଦିଲ୍ଲୀ: ବିଶ୍ୱ ସ୍ୱାସ୍ଥ୍ୟ ସଂଗଠନ (WHO)ର ୱେବସାଇଟରେ ଭାରତର ମାନଚିତ୍ରକୁ ଭିନ୍ନ କରି ପ୍ରଦର୍ଶିତ କରାଯାଇଛି । ଏହି ମ୍ୟାପରେ ଜମ୍ମୁ-କାଶ୍ମୀର ଏବଂ ଲଦାଖ ଅଞ୍ଚଳକୁ ଭାରତ ଠାରୁ ଭିନ୍ନ କରି ପ୍ରଦର୍ଶନ କରାଯାଇଛି।

ବିଶ୍ୱ ସ୍ୱାସ୍ଥ୍ୟ ସଂଗଠନର ୱେବସାଇଟରେ କରୋନା ଭାଇରସ୍ ସମ୍ପର୍କିତ ଜାରି ଡାସବୋର୍ଡରେ ବିଶ୍ୱର ଏକ ମାନଚିତ୍ର ପ୍ରଦର୍ଶିତ କରାଯାଇଛି । ଯେଉଁଥିରେ ଭାରତର ମାନଚିତ୍ରକୁ ଦେଖିଲେ ଜମ୍ମୁ-କାଶ୍ମୀର ଏବଂ ଲଦାଖ ଏହାର ଏକ ଅଂଶ ବୋଲି ଲାଗିବ ନାହିଁ । ଅର୍ଥାତ୍ ଏହି ଦୁଇ ଅଂଶକୁ ମାନଚିତ୍ରରେ ଭାରତ ଠାରୁ ସମ୍ପୂର୍ଣ୍ଣ ଅଲଗା କରି ପ୍ରଦର୍ଶିତ କରାଯାଇଛି ।

WHO’s colour-coded COVID-19 Dashboard map segregates Jammu and Kashmir, Ladakh from rest of India.

Union health minister @drharshvardhan took over as chair of the @WHO executive board last year.@DrTedros @MoHFW_INDIA @MEAIndia @harshvshringla#JammuAndKashmir #Kashmir #Ladakh pic.twitter.com/u2uSRG5TXv

— Geeta Mohan گیتا موہن गीता मोहन (@Geeta_Mohan) January 11, 2021

କେନ୍ଦ୍ର ସ୍ୱାସ୍ଥ୍ୟମନ୍ତ୍ରୀ ଡକ୍ଟର ହର୍ଷ ବର୍ଦ୍ଧନ WHO ର କାର୍ଯ୍ୟନିର୍ବାହୀ ବୋର୍ଡର ଚେୟାରମ୍ୟାନ୍ ରହିଥିବା ବେଳେ ଏଭଳି ସ୍ଥିତିରେ ଭାରତ ପକ୍ଷରୁ ଏକ କଡା ଆଭିମୁଖ୍ୟ ଗ୍ରହଣ କରାଯିବ ବୋଲି ଆଲୋଚନା ହେଉଛି।

କେବଳ ଏତିକି ନୁହେଁ ଏହା ପୂର୍ବରୁ ସାଉଦି ଆରବ ଯେତେବେଳେ ଜି-୨୦ ସମ୍ମିଳନୀ ଆୟୋଜନ କରୁଥିଲା । ସେ ସମୟରେ ମୁଦ୍ରିତ ହୋଇଥିବା ଏକ ନୋଟରେ ଜମ୍ମୁ କାଶ୍ମୀରକୁ ଭାରତଠାରୁ ଭିନ୍ନ ଭାବେ ପ୍ରଦର୍ଶିତ କରାଯାଇଥିଲା । ତା’ ପରେ ଭାରତର ଦୃଢ ପ୍ରତିବାଦ ପରେ ଏହାକୁ ସଂଶୋଧନ କରାଯାଇଥିଲା।