ଏହି ବ୍ୟକ୍ତିଙ୍କୁ ଜଣାଥିଲା ସୁଶାନ୍ତ ସିଂଙ୍କ ମୋବାଇଲ ପାସୱାର୍ଡ…
ମୁମ୍ବାଇ: ବଲିଉଡ ଷ୍ଟାର ଅଭିନେତା ସୁଶାନ୍ତ ସିଂ ରାଜପୁତ ଆଉ ନାହାନ୍ତି । ରବିବାର ଆତ୍ମହତ୍ୟା କରି ଦୁନିଆକୁ ଅଲବିଦା କହିଛନ୍ତି ସୁଶାନ୍ତ । ଏହାଭିତରେ ସୁଶାନ୍ତଙ୍କୁ ନେଇ ଅନେକ ରହସ୍ୟ ଖୋଲିବାରେ ଲାଗିଛି । ପୋଲିସ ସୁଶାନ୍ତଙ୍କ ମୋବାଇଲ ମିଳିଥିଲା ।
କିନ୍ତୁ ମୋବାଇଲ ଲକ୍ ଥିଲା । କିନ୍ତୁ ସୂତ୍ର ଅନୁସାରେ ପୋଲିସ ଏହାକୁ ଅନଲକ୍ କରିବାରେ ସଫଳ ହୋଇଛି । ତାଙ୍କ ମୋବାଇଲରୁ ଅନେକ ଚମକାଇବା ଭଳି ତଥ୍ୟ ମିଳିଥିବା କୁହାଯାଉଛି ।
ମ୍ୟାନେଜରଙ୍କୁ ଜଣା ଥିଲା ପାସୱାର୍ଡ୍
ପୋଲିସ ଅନୁସାରେ ସୁଶାନ୍ତଙ୍କ ମ୍ୟାନେଜର ତାଙ୍କ ମୋବାଇଲର ପାସୱାର୍ଡ କଥା ଜାଣିଥିଲେ । ମ୍ୟାନେଜରଙ୍କ ସାହାଯ୍ୟ ନେଇ ପୋଲିସ ମୋବାଇଲ ଅନଲକ୍ କରିଥିବା ଜଣା ପଡିଛି । ପୋଲିସ ଅନୁସାରେ ସୁଶାନ୍ତଙ୍କ ଶେଷ କଲ ବନ୍ଧୁ ତଥା ଟିଭି ଅଭିନେତା ମହେଶ ସେଟ୍ଟିଙ୍କୁ କରିଥିଲେ ।
କୁହାଯାଉଛି ଯେ, ଗତ କିଛିଦିନ ଧରି ସୁଶାନ୍ତ ମହେଶଙ୍କ ସହ ଅଧିକ କଥା ହେଉଥିଲେ । ସୁଶାନ୍ତ ଯେଉଁ ଝିଅଙ୍କୁ ବାହା ହେବାକୁ ଯାଉଥିଲେ ମହେଶ ତାଙ୍କର ମଧ୍ୟ ବନ୍ଧୁ ଥିଲେ । ତେଣୁ କମନ୍ ଫ୍ରେଣ୍ଡ୍ ହିସାବରେ ସେ ମହେଶଙ୍କ ସହ ଅଧିକ କଥା ହେଉଥିଲେ ବୋଲି ଅନୁମାନ କରାଯାଉଛି । ମହେଶ ରବିବାର ଦିନ ୧୨ଟାରେ ସୁଶାନ୍ତଙ୍କୁ କଲ୍ କରିଥିଲେ କିନ୍ତୁ ସେ ଫୋନ୍ ଉଠାଇ ନଥିଲେ । ସମ୍ଭବତଃ ସେତେବେଳକୁ ସୁଶାନ୍ତଙ୍କର ମୃତ୍ୟୁ ହୋଇ ସାରିଥିଲା ।
