ମନ୍ଦିର ସାମ୍ନାରେ କୁରାନ୍ ପଢ଼ିବା କଥା କହିଥିବା ରୁବିନା ଖାନମ୍ କିଏ ?
ଅଲିଗଡ଼: ଉତ୍ତରପ୍ରଦେଶରେ ମସଜିଦ ଗୁଡ଼ିକରେ ଲାଉଡସ୍ପିକରରେ ଖୁବ୍ ହଙ୍ଗାମା ସୃଷ୍ଟି ହୋଇଛି । ନିକଟ ଅତୀତତରେ କେତେକ ହିନ୍ଦୁ ସଙ୍ଗଠନ ଲୋକ ନିଜ ଘରେ ଏବଂ ମନ୍ଦିରରେ ଲାଉଡସ୍ପିକର ଲଗାଇ ହନୁମାନ ଚାଳିସା ପାଠ କରିବା କଥା କହିଥିଲେ । ଏହାକୁ ନେଇ ସମାଜବାଦୀ ପାର୍ଟିର ନେତା ରୁବିନା ଖାନମ୍ ବିରୋଧ କରି କଡ଼ା ଚେତାବନୀ ଦେଇଛନ୍ତି । ସେ କହିଛନ୍ତିଯେ ଟାର୍ଗେଟ କରି ଯଦି ମୁସଲମାନଙ୍କ ଦ୍ୱାରା ଜବରଦସ୍ତି ମସଜିଦରେ ଲାଗିଥିବା ଲାଉଡସ୍ପିକର ହଟାଇବାକୁ ଚେଷ୍ଟା କରାଯିବ ତେବେ ମହିଳାମାନେ ଏହାକୁ ବିରୋଧ କରିବେ ।
କେବଳ ସେତିକି ନୁହେଁ ବରଂ ରୁବିନା ଏହା ମଧ୍ୟ କହିଛନ୍ତିଯେ, ଯଦି ଏଭଳି ହୁଏ ତେବେ ଶହଶହ କୋଟି କୋଟି ମହିଳା ମନ୍ଦିର ସାମ୍ନାରେ ବସି କୁରାନ୍ ପାଠ କରିବେ ।
ରୁବିନା ଖାନମ୍ ହେଉଛନ୍ତି ସମାଜବାଦୀ ପାର୍ଟିର ଜଣେ ନେତା । ଅଲିଗଡ଼ରେ ସେ ପାର୍ଟିର ମହାନଗର ଅଧ୍ୟକ୍ଷ । ନିକଟରେ କର୍ଣ୍ଣାଟକର ହିଜାବ ବିବାଦକୁ ନେଇ ଚର୍ଚ୍ଚାକୁ ଆସିଥିଲେ । ସେ କହିଥିଲେ ହିଜାବକୁ ଛୁଇଁଲେ ହାତ କାଟି ଦିଆଯିବ ।
