ବନ ବିଭାଗ ଓ ରେଳ ବିଭାଗ ଅଧିକାରୀଙ୍କ ମଧ୍ୟରେ ସମନ୍ୱୟ ଅଭାବରୁ ମଲେ କି ୨ ହାତୀ ?

1 min read
Who Is Responsible For Two Elephant Death By Train

ଟାଙ୍ଗୀ: ଭୁଷଣ୍ଡପୁର ହାତୀମୃତ୍ୟୁର ଆରମ୍ଭ ହେଲା କାରଣଖୋଜା । ଘଟଣାସ୍ଥଳରେ ତଦନ୍ତ ଆରମ୍ଭ କରିଛନ୍ତି ବନ ବିଭାଗ ଓ ରେଳବାଇ ଅଧିକାରୀ । ଗତକାଲି ହାତୀପଲ ରେଳ ଧାରଣା ପାର ହେଉଥିବା ବେଳେ ମାଲବାହୀ ଟ୍ରେନ୍ ଧକ୍କା ଦେଇଥିଲା । ଦୁର୍ଘଟଣାରେ ଦୁଇଟି ହାତୀର ଜୀବନ ଯାଇଛି । ତେବେ ବିଭାଗ-ବିଭାଗ ଭିତରେ ସମନ୍ୱୟ ଅଭାବରୁ ଏଭଳି ସ୍ଥିତି ଉପୁଜିଥିବା ଅଭିଯୋଗ କରିଛନ୍ତି ସ୍ଥାନୀୟ ବାସିନ୍ଦା । ଓୟୁଏଟିର ବିଶେଷଜ୍ଞ ଦଳ ହାତୀଙ୍କ ବ୍ୟବଚ୍ଛେଦ କରିଥିବା ବେଳେ ପୋଷ୍ଟମର୍ଟମ ରିପୋର୍ଟରେ ଜଣାପଡ଼ିବ ହାତୀ ମୃତ୍ୟୁର ପ୍ରକୃତ କାରଣ ।

Who Is Responsible For Two Elephant Death By Train

ହାତୀ ମୃତ୍ୟୁ ପଛରେ ଦାୟୀ କିଏ ? କେଉଁ ପରିସ୍ଥିତିରେ ହାତୀକୁ ଧକ୍କା ଦେଲା ମାଲବାହୀ ଟ୍ରେନ୍ ? ହାତୀଙ୍କ ଗତିବିଧି ସମ୍ପର୍କରେ ଅବଗତ ଥିଲେ କି ଟ୍ରେନ୍ ପାଇଲଟ ? ଏସଓପିର ପାଳନ ହୋଇଥିଲା ନାଁ ନାହିଁ ? ଟ୍ରେନର ବେଗ ଅଧିକ ଥିଲା କି ? ଖୋର୍ଦ୍ଧା ଭୁଷଣ୍ଡପୁର କନ୍ତଳବାଇ ରେଳ ଫାଟକ ନିକଟରେ ହାତୀପଲଙ୍କୁ ମାଲବାହୀ ଟ୍ରେନ୍ ଧକ୍କା ଦେବା ଘଟଣାର ଆରମ୍ଭ ହୋଇଛି କାରଣ ଖୋଜା । ବନବିଭାଗ ଓ ରେଲବାଇ ଅଧିକାରୀ ଦୁର୍ଘଟଣାର ତଦନ୍ତ କରୁଛନ୍ତି । ବିଭାଗ-ବିଭାଗ ମଧ୍ୟରେ ସମ୍ମନ୍ୱୟର ଅଭାବକୁ ଦାୟୀ କରିଛନ୍ତି ସ୍ଥାନୀୟ ଲୋକ ।

Who Is Responsible For Two Elephant Death By Train

ପ୍ରତିବର୍ଷ ସ୍ଥାନୀୟ ଅଞ୍ଚଳରେ ହାତୀ ଉପଦ୍ରବ ଲାଗି ରହିଥିଲେ ମଧ୍ୟ ଏଯାଏ ହାତୀ ଚଲାପଥ ବା କରିଡର ଘୋଷଣା କରାଯାଇନି । ହାତୀଙ୍କ ଗତିବିଧି ସମ୍ପର୍କରେ ବନ ବିଭାଗ ପ୍ରତିଦିନ ରେଳବାଇକୁ ଅବଗତ କରିଥାଏ । ମାତ୍ର ଶନିବାର ସନ୍ଧ୍ୟାରେ ଘଟିଥିଲା କଣ ? ରେଳବାଇକୁ ଅବଗତ କରିଥିଲା କି ବନ ବିଭାଗ ? ମାଲବାହୀ ଟ୍ରେନର ଡ୍ରାଇଭରଙ୍କୁ ହାତୀପଲର ଗତିବିଧି ସମ୍ପର୍କରେ ଅବଗତ କରାଯାଇଛି କି ନାଁ ସେନେଇ ମଧ୍ୟ ପ୍ରଶ୍ନ ଉଠାଇଛନ୍ତି ସ୍ଥାନୀୟ ବାସିନ୍ଦା ।

Who Is Responsible For Two Elephant Death By Train

ଶନିବାର ସନ୍ଧ୍ୟାରେ ୧୯ ଟିକିଆ ହାତୀପଲ ଟ୍ରେନ୍ ଲାଇନ୍ ପାର ବେଳେ କନ୍ତଳବାଇ ରେଳ ଫାଟକ ନିକଟରେ ଧକ୍କା ଦେଇଥିଲା ମାଲାବାହୀ ଟ୍ରେନ୍ । ଦୁର୍ଘଟଣା ପରେ ହାତୀପଲ ଜଙ୍ଗଲକୁ ପଳାଇଥିଲେ । ଆଜି ସକାଳୁ କନ୍ତଳବାଇ ଗହୀରରୁ ହାତୀଛୁଆ ଓ ଉଗ୍ରତାରା ଜଙ୍ଗଲରୁ ମାଇହାତୀର ମୃତଦେହ ଉଦ୍ଧାର କରାଯାଇଥିଲା । ଓୟୁଏଟିର ବିଶେଷଜ୍ଞ ଦଳ ପହଞ୍ଚି ବ୍ୟବଚ୍ଛେଦ କରିଛି । ଟାଙ୍ଗୀ ରେଞ୍ଜ ଅଞ୍ଚଳରେ ୩୨ଟି ହାତୀ ଅଛନ୍ତି । ବିଭିନ୍ନ ସମୟରେ ଖାଦ୍ୟ ଅନ୍ୱେଷଣରେ ଜନବସତି ଅଞ୍ଚଳକୁ ଚାଲିଆସିଥାନ୍ତି ହାତୀପଲ । ହାତୀ-ମଣିଷ ଲଢ଼େଇ ଭିତରେ ଅନେକ ଜୀବନହାନୀ ବି ଘଟିଛି । ଏବେ ହାତୀପଲ ପାଇଁ ବିପଦ ସାଜିଛି ଟ୍ରେନ୍ ।

[DISPLAY_ULTIMATE_SOCIAL_ICONS]
Opn Commnet Area

Leave a Reply

Your email address will not be published.