ଗାନ୍ଧୀ ପରିବାରର ସହଯୋଗୀଙ୍କୁ ଆମେଠୀ ଟିକେଟ

ବାରଣାସୀ: ଅମେଠୀ ଆସନରୁ କଂଗ୍ରେସ ଟିକେଟ ପାଇଛନ୍ତି କିଶୋରୀଲାଲ ଶର୍ମା। ତେବେ କିଏ ଏହି କିଶୋରୀ ଲାଲ ଶର୍ମା। କିଶୋରୀଲାଲ ଶର୍ମା ହେଉଛନ୍ତି ଗାନ୍ଧୀ ପରିବାର ଅତି ନିକଟତର ବ୍ଯକ୍ତି। ଦୀର୍ଘ ୪ ଦଶନ୍ଧିରୁ ଅଧିକ ହେବ ଗାନ୍ଧି ପରିବାର ସର କିଶୋରିଲାଲଙ୍କ ସମ୍ପର୍କ ରହିଛି। ପ୍ରକୃତରେ କିଶୋରୀଲାଲଙ୍କ ଘର ହେଉଛି ପଞ୍ଜାବର ଲୁଧିଆନାରେ ।

୧୯୮୩ରେ ସେ ପୂର୍ବତନ ପ୍ରଧାନମନ୍ତ୍ରୀ ରାଜୀବ ଗାନ୍ଧୀଙ୍କ ସମ୍ପର୍କରେ ଆସି ରାୟବରେଲୀ ଓ ଅମେଠୀକୁ ଚାଲି ଆସିଥିଲେ। ୧୯୯୧ ପରେ ରାଜୀବ ଗାନ୍ଧୀଙ୍କ ମୃତ୍ଯୁ ପରେ ଗାନ୍ଧୀ ପରିବାର ସହ ତାଙ୍କର ଘନିଷ୍ଠତା ଆହୁରି ବଢି ଯାଇଥିଲା। କିଶୋରୀଲାଲ ଶର୍ମା ଏହି ଦୁଇ ଆସନରେ ଗାନ୍ଧି ପରିବାର ସଦସ୍ୟଙ୍କ ଅନୁପସ୍ଥିତିରେ ବୁଝାବୁଝି କରିଥାନ୍ତି।

ଏହି ଦୁଇ ଆସନରେ କେ. ଏଲ ଶର୍ମାଙ୍କ ସବୁବେଳେ ଗତିବିଧି ଦେଖିବାକୁ ମିଳିଥାଏ। ଆଜି ନାମାଙ୍କନ ଶେଷ ଦିନ ଥିବାରୁ କିଶୋରୀଲାଲ ଶର୍ମା ନାମାଙ୍କନ ଦାଖଲ କରିବେ। ଆସନ୍ତା ୨୦ ତାରିଖରେ ରାୟବରେଲୀ ଏବଂ ଅମେଠୀ ଆସନରେ ଭୋଟଗ୍ରହଣ ହେବ।