ନନ୍ଦିଘୋଷ ବ୍ୟୁରୋ: ବିହାର ରାଜନୀତି କଥା ଯେତେବେଳେ ଆଲୋଚନା ହୁଏ ସୁବେବଳେ ଆଗରେ ପୂର୍ବତନ ମୁଖ୍ୟମନ୍ତ୍ରୀ ଲାଲୁ ଯାଜନ ଏବଂ ଏବେର ମୁଖ୍ୟମନ୍ତ୍ରୀ ନୀତିଶ କୁମାରଙ୍କ ନାଁ ଆଗରେ ଆସିଥାଏ । ତେବେ ଏହି ଦୁଇ ନେତା ଜାତୀୟ ରାଜନୀତିରେ ମଧ୍ୟ ସବୁବେଳେ ଗୁରୁତ୍ବପୂର୍ଣ୍ଣ ଭୂମିକା ଗ୍ରହଣ କରିଥାନ୍ତି । ତେବେ ଏହି ଦୁଇ ନେତାଙ୍କ ମଧ୍ୟରୁ କିଏ ଅଧିକ ଶିକ୍ଷିତ ଆସନ୍ତୁ ଜାଣିବା…
ନୀତିଶ କୁମାର : ବିହାରର ବର୍ତ୍ତମାନର ମୁଖ୍ୟମନ୍ତ୍ରୀ ନୀତିଶ କୁମାରଙ୍କ ଜନ୍ମ ୧ ମାର୍ଚ୍ଚ ୧୯୫୧ ମସିହାରେ ହୋଇଥିଲା । ସେ ଏକ ସାଧାରଣ ପରିବାରରୁ ଆସିଥିବାବେଳେ ଗାଁରେ ନିଜର ପ୍ରାଥମିକ ଶିକ୍ଷା ସାରିଥିଲେ । ପିଲାଟି ଦିନରୁ ସେ ଜଣେ ମେଧାବୀ ଛାତ୍ର ଥିଲେ । ବିଜ୍ଞାନ ପ୍ରତି ତାଙ୍କର ଆଗ୍ରହ ରହିଥିବାବେଳେ ସେ ବିହାର କଲେଜ ଅଫ୍ ଇଞ୍ଜିନିୟରିଂରେ ନାମ ଲେଖାଇଥିଲେ । ୧୯୭୨ ମସିହାରେ ଇଲେକ୍ଟ୍ରିକାଲ ଇଞ୍ଜିନିୟରିଂରେ ବିଟେକ ଡିଗ୍ରୀ ହାସଲ କରିଥିଲେ । ତେବେ ଛାତ୍ର ଜୀବନରୁ ରାଜନୀତି ପ୍ରତି ରୁଚି ରଖିଥିବାବେଳେ ୧୯୭୦ ସକ୍ରିୟ ରାଜନୀତିରେ କାମ କରିବା ଆରମ୍ଭ କରିଥିଲେ ।
ଲାଲୁ ପ୍ରସାଦ ଯାଦବ : ବିହାରର ପୂର୍ବତନ ମୁଖ୍ୟମନ୍ତ୍ରୀ ଲାଲୁ ପ୍ରସାଦ ଯାଦବ ସର୍ବଦା ଗଣମାଧ୍ୟମରେ ଚର୍ଚ୍ଚାରେ ରହିଥାନ୍ତି । ତାଙ୍କ କଥା କହିବାର ଶୈଳୀ ସମସ୍ତଙ୍କୁ ବେଶ ଆକର୍ଷିତ କରିଥାଏ । ୧୯୪୮ ଜୁନ ୧୧ ତାରିଖରେ ଫୁଲଓ୍ବାରିଆ ଗାଁରେ ଲାଲୁଙ୍କ ଜନ୍ମ । ସେ ଏକ ଚାଷୀ ପରିବାରରେ ଜନ୍ମ ଗ୍ରହଣ କରିଥିଲେ । ସେ ନିଜ ଗାଁରେ ପ୍ରାରମ୍ଭିକ ଶିକ୍ଷା ସାରିବା ପରେ ପାଟନାର ବି.ଏନ କଲେଜରେ ବିଏ ଡିଗ୍ରୀ ହାସଲ କରିଥିଲଲେ । ତେବେ ଲାଲୁ ମଧ୍ୟ ଛାତ୍ର ରାଜନୀତିରୁ ନିଜର କ୍ୟାରିୟର ଆରମ୍ଭ କରିଥିଲେ ।
