ନନ୍ଦିଘୋଷ ବ୍ୟୁରୋ: ଟିମ ଇଣ୍ଡିଆର ଅଧିନାୟକ ଶୁଭମନ ଗିଲ୍ ଏବେ ଆହତ ଅଛନ୍ତି । ଦଳରୁ ବାହାରେ ରହିଥିବାବେଳେ ଦକ୍ଷିଣ ଆଫ୍ରିକା ବିପକ୍ଷ ଟେଷ୍ଟ ମ୍ୟାଚରେ ଏବେ ଋଷଭ ପନ୍ତ ଦଳର ଅଧିନାୟକ ଭାର ସମ୍ଭାଳୁଛନ୍ତି । ତେବେ ଦିନିକିଆ ମ୍ୟାଚ ଖେଳିନପାରନ୍ତି ଗିଲ୍ । ତେବେ ତାଙ୍କ ସ୍ଥାନରେ କାହାକୁ ଅଧିନାୟକ ଭାର ସମ୍ଭାଳିବାକୁ ଦିଆଯିବ ଏହାକୁଚ ନେଇ କ୍ରିକେଟ ପ୍ରେମୀଙ୍କ ମନରେ ପ୍ରଶ୍ନ ଉଠିଛି । ତେବେ ମୁଖ୍ୟ ଚୟନକର୍ତ୍ତା ଅଜିତ ଅଗରକର ଏବେ ଟେଷ୍ଟ ମ୍ୟାଚ ଚାଲିଥିବାବେଳେ ସେଠାରେ ଉପସ୍ଥିତ ରହିଛନ୍ତି । ଏଣୁ ସେ କଣ ନିର୍ଣ୍ଣ ନେବେ ତାଉପରେ ରହିଛି ସମସ୍ତଙ୍କ ନଜର ।
କେ.ଏଲ.ରାହୁଲ , ଋଷଭ ପନ୍ତ କିମ୍ବା ଅନ୍ୟ କାହାକୁ ଦାୟିତବ ଦିଆଯାଇପାରେ । ତେବେ ବିରାଟ ଏବଂ ରୋହିତଙ୍କ ଭଳି ଅଭିଜ୍ଞ ଖେଳାଳିମାନେ ଦିନିକିଆ ସିରିଜରେ ଦଳକୁ ଫେରିବାକୁ ଯାଉଛନ୍ତି । ଏଭଳି ଏକ ସମୟରେ ଉପଅଧିନାୟକ ଶ୍ରେୟସ ଆୟାର ମଧ୍ୟ ଆହତ ରହିଛନ୍ତି । ଏଣୁ ପୁଣିଥରେ ଏହି ସିରିଜରେ ରୋହିତଙ୍କୁ ଅଧିନାୟକ ପଦ ଦିଆଯାଇପାରେ ବୋଲି ଚର୍ଚ୍ଚା ହେଉଛି । ତେବେ ପନ୍ତଙ୍କୁ ଅଧିନାୟକ ପଦ ମିଳିବାର ଯଥେଷ୍ଟ ସମ୍ଭାବନା ରହିଥିବା ମଧ୍ୟ କୁହାଯାଉଛି ।
ସେପଟେ ଦଳର ଅନ୍ୟ ଖେଳାଳିଙ୍କ କଥା କହିବାକୁ ଗଲେ, ଗିଲଙ୍କ ଅନୁପସ୍ଥିତିରେ, ଯଶସ୍ୱୀ ଜୟସ୍ୱାଲଙ୍କୁ ଶେଷରେ ରୋହିତ ଶର୍ମାଙ୍କ ସହ ଏକଦିବସୀୟ ଫର୍ମାଟରେ ଓପନିଂ କରି ନିଜର ଦକ୍ଷତା ପ୍ରଦର୍ଶନ କରିବାର ସୁଯୋଗ ମିଳିବ। ଏହି ସିରିଜ ପାଇଁ ଦ୍ରୁତ ବୋଲର ଜସପ୍ରିତ ବୁମରାହଙ୍କୁ ବିଶ୍ରାମ ଦିଆଯାଇପାରେ, ଯେତେବେଳେ ସ୍ପିନର କୁଲଦୀପ ଯାଦବଙ୍କୁ ତାଙ୍କ ବିବାହ ପାଇଁ ଛୁଟି ଦିଆଯିବା କଥା। ଏହି ପରିସ୍ଥିତିରେ, ଅର୍ଶଦୀପ ସିଂହ, ହର୍ଷିତ ରାଣା, ମହମ୍ମଦ ସିରାଜ, ବରୁଣ ଚକ୍ରବର୍ତ୍ତୀ ଏବଂ ଅକ୍ଷର ପଟେଲ ବୋଲିଂ ଆକ୍ରମଣ ପାଇଁ ଦାୟୀ ହୋଇପାରନ୍ତି।
