କୋଟିଆରେ କିଏ ଉଡ଼ାଇଲା ଲାଲ ପତାକା ?
ଜୟପୁର: କୋଟିଆରେ ଉଡୁଛି ଲାଲ ପତାକା । ଏହା ମାଓବାଦୀଙ୍କ କାମ ନା ଆଉ କାହାର ସ୍ପଷ୍ଟ ହୋଇନାହିଁ । କୋଟିଆ ଉପରେ ଲୋଲୁପ ଦୃଷ୍ଟି ରଖିଥିବା ଆନ୍ଧ୍ରପ୍ରଦେଶର ବି କରିଥାଇପାରେ କୌଣସି ଚାଲାଖି ।
କୋଟିଆକୁ ନିଜର କରିବାକୁ ବାରମ୍ବାର ଆନ୍ଧ୍ର କରି ଚାଲିଛି ଅନୁପ୍ରବେଶ । କେତେବେଳେ ତେଲଗୁ ଭାଷାର ନାମ ଫଳକ ଲଗାଉଛି ତ କେତେବେଳେ ସାମଗ୍ରୀ ବଣ୍ଟନ କରୁଛି । ଆଉ କେତେବେଳେ କୋଟିଆରେ ପଶି ଆନ୍ଧ୍ର ଅଧିକାରୀ ଗରିବ ଲୋକଙ୍କୁ ନିଜ ସପକ୍ଷରେ ନେବାକୁ କରୁଛନ୍ତି ପ୍ରଲୋଭିତ ।
ଅନ୍ୟପକ୍ଷରେ ଆନ୍ଧ୍ରର ପ୍ରତିଟି ଚାଲାଖି ଉପରେ ଓଡ଼ିଶା ସରକାର ରଖିଛନ୍ତି ତୀକ୍ଷ୍ନ ନଜର । କୋରାପୁଟ ଜିଲ୍ଲା ପ୍ରଶାସନ ବି ଆନ୍ଧ୍ରକୁ ମୁହଁତୋଡ ଜବାବ ଦେବାକୁ ପୂରା ପ୍ରସ୍ତୁତ । ଲାଲ ପତାକ ଦେଖାଯିବା ପରେ ଅଞ୍ଚଳରେ କୋରାପୁଟ ପୋଲିସ ପକ୍ଷରୁ ୨ ପ୍ଲାଟୁନ ଫୋର୍ସ ମୁତୟନ କରିଦିଆଯାଇଛି । ଘଟଣା ଉପରେ ନଜର ରଖିଛନ୍ତି ସ୍ଥାନୀୟ ପ୍ରଶାସନ ।
