ସୁସ୍ଥ ସ୍ୱାସ୍ଥ୍ୟ ପାଇଁ କେଉଁ ଲୁଣ କେତେ ପରିମାଣର ଖାଇବା ଉଚିତ୍ ?
1 min read
ଖାଦ୍ୟରେ ଲୁଣର ରହିଛି ଏକ ପ୍ରମୁଖ ଭୂମିକା । ଲୁଣ ବିନା ଖାଦ୍ୟର ଅସ୍ଥିତ୍ୱ ମୂଲ୍ୟହୀନ । ଆମ ଶରୀରରେ ଚାଲିଥିବା ବିଭିନ୍ନ ପ୍ରକ୍ରିୟା ପାଇଁ ସୋଡିୟମର ଆବଶ୍ୟକତା ରହିଛି । କୋଷିକା ଠିକ ଭାବରେ କାମ କରିବା ଉଚିତ୍, ଶରୀରରେ ଥିବା ଫ୍ଲୁଇଡ୍ସ ବା ତରଳ ପଦାର୍ଥ ଏବଂ ଇଲୋକ୍ଟ୍ରୋକ୍ଲାଲୋଇଡ୍ସ ସନ୍ତୁଳିତ, ରକ୍ତଚାପ ନିୟନ୍ତ୍ରଣ ଆଦି ସବୁକିଛି ସୋଡିୟମ ଉପରେ ନିର୍ଭର କରେ । ଏ ସବୁ ସୋଡିୟମ ପାଇଁ ସମ୍ଭବ ।
ଆମ ଶରୀର ଆବଶ୍ୟକତା କରୁଥିବା ସୋଡିୟମର ୯୦ ପ୍ରତିଶତ କେବଳ ଟେବଲ ଲୁଣ ବା ସାଧାରଣ ଲୁଣରୁ ମିଳିଥାଏ । ବୈଜ୍ଞାନିକଙ୍କ ଭାଷାରେ ଏହାକୁ ସୋଡିୟମ କ୍ଲୋରାଇଡ ବୋଲି କୁହାଯାଏ । ବିଶ୍ୱ ସ୍ୱାସ୍ଥ୍ୟ ସଙ୍ଗଠନ ଲୋକଙ୍କୁ ଦୈନିକ ୫ ଗ୍ରାମରୁ କମ୍ ଲୁଣ ଖାଇବାକୁ ପରାମର୍ଶ ଦେଇଥାଏ । ଯାହା ପ୍ରାୟ ୧ ଚାମଚ । କିନ୍ତୁ ଆକଳନ କହୁଛି ଭାରତରେ ଦୈନିକ ଲୋକମାନେ ୧୧ ଗ୍ରାମ ଲୁଣ ଖାଇଥାନ୍ତି । ଯାହା ବିଶ୍ୱ ସ୍ୱାସ୍ଥ୍ୟ ସଙ୍ଗଠନ ଦେଇଥିବା ପରାମର୍ଶଠାରୁ ଯଥେଷ୍ଟ ଅଧିକ ।
କୌଣସି ମଧ୍ୟ ବୟସରେ ଅଧିକ ଲୁଣ ଖାଇବା ଦ୍ୱାରା ରକ୍ତଚାପ ବଢ଼ିପାରେ । କେବଳ ସେତିକି ନୁହେଁ ବରଂ ଅଧିକ ଲୁଣ ଖାଇବା ଦ୍ୱାରା ହୃଦରୋଗ,ଗ୍ୟାସଟ୍ରିକ୍,ମସ୍ତିଷ୍କରେ ରକ୍ତପ୍ରବାହ ଉପରେ ପ୍ରଭାବ ପଡ଼ିବା ଭଳି ସମସ୍ୟା ଦେଖା ଦେଇଥାଏ । ଏହା ଖୁବ୍ କ୍ଷତିକାରକ ହୋଇପାରେ । ଯେପରିକି ମସ୍ତିଷ୍କର କୌଣସି ଶିରା ଫାଟିଯିବା ବା ରକ୍ତ ଜମାଟ ବାନ୍ଧିବା ଭଳି ସମସ୍ୟା ।
ବଜାରରେ ବିଭିନ୍ନ ପ୍ରକାରର ଲୁଣ ମିଳିଥାଏ ।ଯେଉଁଥିରେ କମ୍ ମାତ୍ରାରେ ସୋଡିୟମ ରହିଥାଏ, ସେହି ଲୁଣ ଶରୀର ପାଇଁ ଉତ୍ତମ ।
ରିଫାଇନ୍ଡ ବା ସାଧାରଣ ଲୁଣ ବହୁଳ ବ୍ୟବହାର ହୁଏ । ଏଥିରେ ୯୭ରୁ ୯୯ ପ୍ରତିଶତ ସୋଡିୟମ କ୍ଲୋରାଇଡ୍ ରହିଥାଏ । ଏଥିରେ କୌଣସି ଅଶୁଦ୍ଧତା ନଥାଏ । କିନ୍ତୁ ପୋଷକ ତତ୍ତ୍ୱ ଦୃଷ୍ଟିରୁ ଏହାକୁ ଭଲ ବୋଲି କହିବା ଅନୁଚିତ୍ ।
ସି-ସଲ୍ଟକୁ ଅଧିକ ରିଫାଇନ୍ କରାଯାଇନଥାଏ । ଏଥିରେ ଅଧିକ ମାତ୍ରାରେ ଖଣିଜ ଲବଣ ରହିଥାଏ । କିନ୍ତୁ ସାଧାରଣ ଲୁଣ ତୁଳନାରେ ସମୁଦ୍ର ଲୁଣରେ ୧୦ ପ୍ରତିଶତ କମ୍ ସୋଡିୟମ ଥାଏ ।
ଠିକ୍ ସେହିଭଳି ହିମାଳୟ ପାଦ ଦେଶରୁ ଆସୁଥିବା ପିଙ୍କ୍ ଲୁଣରେ କମ୍ ମାତ୍ରାରେ ସୋଡିୟମ ରହିଥାଏ । ଏହା ବ୍ୟତୀତ ଏଥିରେ ମ୍ୟାଗ୍ନେସିୟମ ଏବଂ ପୋଟାସିୟମ ଭଳି ଖଣିଜ ଲବଣ ରହିଥାଏ ।
ଏହାକୁ ବାଦ୍ ଦେଲେ ସଲ୍ଟିକ୍ ସଲ୍ଟ ବା ଗ୍ରେ ସଲ୍ଟରେ ସୋଡିୟମର ମାତ୍ରା କମ୍ ଥାଏ ଏବଂ ଅନ୍ୟ ଖଣିଜ ଲବଣ ପ୍ରଚୁର ମାତ୍ରାରେ ରହିଥାଏ । ଏହା ପ୍ରାକୃତିକ ଏବଂ ଏଥିରେ ବାହାରର କୌଣସି ଜିନିଷ ମିଶାଯାଇନଥାଏ ।
