କୁଆଡ଼େ ସ୍ଥାନାନ୍ତର ହେବ ଭୁବନେଶ୍ୱରର ଝାରପଡା ଜେଲ ଜାଣନ୍ତୁ ?

ଭୁବନେଶ୍ୱର : ଭୁବନେଶ୍ୱର ଉପକଣ୍ଠ ଜାମୁଝରି ମୁକ୍ତାକାଶ ଜରାଶ୍ରମ ପରିସର ଓ ମହାତ୍ମା ଗାନ୍ଧୀ କାରାଗାର ଓ ସଂସ୍କାର ସେବା ଏକାଡେମୀ ଛତାବର ଠାରେ ରାଜ୍ୟର ଏକ ମଡେଲ ଜେଲ ନିର୍ମାଣ କରାଯିବ। ଭୁବନେଶ୍ୱରର ଝାରପଡା ଜେଲ ସ୍ଥାନାନ୍ତର କରାଯିବ। ଏହି ଉଦେଶ୍ୟରେ ଆସନ୍ତା ୧୨ ତାରିଖରେ ମଡେଲ ଜେଲର ଭିତ୍ତିପ୍ରସ୍ତର ସ୍ଥାପନ କରିବେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ।

ଏନେଇ ଆଜି ଜେଲ ଡିଜିଏମ ଏମ. ପ୍ରସାଦ ସେହି ଅଞ୍ଚଳ ପରିଦର୍ଶନ କରିଥିଲେ। ମଡେଲ ଜେଲର ପରିସୀମା 35 ଦଶମିକ 2ଏକର ରହିଥିବାବେଳେ ୨ ହଜାର ୫୦୦ କଏଦୀ ରହିବା ଲାଗି ବ୍ୟବସ୍ଥା ହୋଇଛି। ଏହା ୬ ମହଲା ବିଶିଷ୍ଟ ହେବ ଏବଂ ୨ ବର୍ଷ ମଧ୍ଯରେ ଏହାର ନିର୍ମାଣ ସରିବ।