କଟକ ବାରବାଟୀ ଷ୍ଟାଡିୟମ ସମ୍ମୁଖରେ କୋଟି କୋଟି ଟଙ୍କା ବ୍ୟୟରେ ତିଆରି ହୋଇଛି ଫୁଡ୍ କୋର୍ଟ । ବାରବାଟୀ ଫୁଡ୍ କୋର୍ଟ ନାମରେ ନାମିତ ଏହି ଫୁଡ୍ କୋର୍ଟକୁ ପୂର୍ବ ସରକାର ପରିକଳ୍ପନା କରି ଦୁଇ ବର୍ଷ ମଧ୍ୟରେ କାମ ସାରିଥିଲେ । ଉଦ୍ଦେଶ୍ୟ ଥିଲା ଦହିବରା ଆଳୁଦମ ବ୍ୟବସାୟୀଙ୍କୁ ବେପାର ର ଏକ ସୁନ୍ଦର ଭିତ୍ତିଭୂମୀ ଯୋଗାଇ ଦେବା । ରାସ୍ତାକଡ ସୁସ୍ବାଦୁ ଖାଦ୍ୟକୁ ସେଠାରେ ସାଙ୍ଗରେ ରଖି ଗ୍ରାହକ ଓ ପର୍ଯ୍ୟଟକଙ୍କୁ ଆକୃଷ୍ଟ କରିବା । ତେବେ ଦେଢ଼ ବର୍ଷେ ହେବ କାମ ସରିଥିଲେ ସୁଦ୍ଧା ଏହା ଖୋଲି ପାରୁନାହିଁ । ଏଥିରେ ଲାଗିଥିବା ସମସ୍ତ ଜିନିଷ ନଷ୍ଟ ହୋଇ ଗଲାଣି । ଅନାବନା ଗଛ ମାଡି ଗଲାଣି, ସବୁ ଆଡେ ଧୀରେ ଧୀରେ ଆବର୍ଜନା ମାଡି ଗଲାଣି । ଉଦଘାଟନ ନକରି ଭଲ ଜିନିଷକୁ ପକେଇ ରଖିଲେ କାହାର ଲାଭ ବୋଲି ବୁଦ୍ଧିଜୀବୀ ପ୍ରଶ୍ନ କରିଛନ୍ତି ।
