ନନ୍ଦିଘୋଷ ବ୍ୟୁରୋ : ପୁରୀ ଜିଲ୍ଲା ଅସ୍ତରଙ୍ଗ ସମୁଦ୍ର କୂଳ କେଳୁଣୀ ମୁହାଣ ଓ କୋଣାର୍କ ଚନ୍ଦ୍ରଭାଗାରେ ଭାସୁଛି ମୃତ ଵଟମ ଜେଲି ଫିସ । ଆଜକୁ ପ୍ରାୟ ଦୁଇ ଦିନ ହେଲାଣି ଏଭଳି ସ୍ଥିତି ଦେଖିବାକୁ ମିଳୁଛି। ସମୁଦ୍ର ସ୍ନାନ କରୁଥିବା ପର୍ଯ୍ୟଟକଙ୍କ ଦେହରେ ଏ ମୃତ ଜେଲି ଫିସ ଲାଳ ବାଜିଲେ କୁଣ୍ଡେଇ ହୋଇ ଯାଦୁ ଭଳି ଫଳିଯାଉଛି। ଜେଲି ଫିସ ଭୟରେ ପର୍ଯ୍ୟଟକ ସମୁଦ୍ରରେ ଗାଧୋଇବାକୁ ଡରିଲେଣି। ଉଭୟ ପର୍ଯ୍ୟଟକ ଓ ପ୍ରକୃତି ପ୍ରେମୀ ସମସ୍ତଙ୍କ ମୁହଁରେ ସମାନ ପ୍ରଶ୍ନ । ଏମାନେ କେଉଁ ପ୍ରଜାତିର, କେତେ ବିଷାକ୍ତ ? ସ୍ଥାନୀୟ ସମାଜ ସେବୀ କହିବା ଅନୁସାରେ ନିକଟରେ ବଙ୍ଗୋପସାଗର ସୃଷ୍ଟି ଲଘୁଚାପ ପ୍ରଭାଵରେ ବନ୍ୟା ଜଳ ପାଇଁ ଜେଲିଫିସ ମୃତ ହେବା ଅନୁମାନ କରିଛନ୍ତି । ଏ ପ୍ରକାର ଜେଲିଫିସି ସାଧାରଣ ଗଭୀର ସମୁଦ୍ରରେ ଦଳ ଦଳ ହୋଇ ଵାସ କରନ୍ତି ଓ ଅତି ମନ୍ଥର ବେଗରେ ଗତି କରନ୍ତି। ଯେହେତୁ ସମୁଦ୍ରରେ ବଡ଼ ଢେଉ ହୋଇଥିଲା ତେଣୁ ଶକ୍ତିଶାଳୀ ଜୁଆରମାଡ଼ରେ ଘାଇଲା ହୋଇ ମୃତ ଅବସ୍ଥାରେ କୂଳକୁ ଭାସି ଆସିଛନ୍ତି। ପୂର୍ବରୁ ଫନି,ଏୟାସ, ହୁଡୁହୁଡୁ, ତିତିଲି ବାତ୍ୟା ସମୟରେ ବି ବିଭିନ୍ନ ସମୁଦ୍ର କୂଳରେ ମୃତ ଜେଲିଫିସି ଦେଖିବାକୁ ମିଳିଥିଲା।
