ରାକ୍ଷୀ ସାୱନ୍ତଙ୍କୁ କିସ୍ କରିବାକୁ ନେଇ ଏମିତି କିଛି କହିଲେ ଶାହରୁଖ, ଉତ୍ତର ଶୁଣିଲେ ଆପଣ ବି ହୋଇଯିବେ ଆଶ୍ଚର୍ଯ୍ୟ

ମୁମ୍ବାଇ- ବଲିଉଡରେ ଏମିକି କିଛି ଅଭିନେତା ଅଛନ୍ତି ଯେଉଁ ମାନେ ନିଜ ପ୍ରଶ୍ନର ଚଟାପଟ ଉତ୍ତର ପାଇଁ ଖୁବ ଚର୍ଚ୍ଚାରେ ଥାଆନ୍ତି ।  ବର୍ତ୍ତମାନ ସମୟରେ ଲୋକମାନେ ନିଜ ପ୍ରିୟ ଅଭିନେତା ଅଭିନେତ୍ରୀ ମାନଙ୍କର ପୁରୁଣା କଥା ସବୁ ଶୁଣିବାକୁ ପସନ୍ଦ କରୁଛନ୍ତି । ପୁରୁଣା ଇଣ୍ଟରଭ୍ୟୁ ଏବଂ ପୁରୁଣା ଚ୍ୟାଟ୍ ସୋ ଲୋକମାନେ ଦେଖୁଛନ୍ତି । ନିକଟରେ ଶାହରୁଖ ଖାନ ଏବଂ କରନ ଜୋହରଙ୍କର ଏକ ପୁରୁଣା କଥାବାର୍ତ୍ତା ପୁଣିଥରେ ଭାଇରାଲ ହେବାରେ ଲାଗିଛି । ଯେଉଁଥିରେ କରନ ଶାହରୁଖଙ୍କୁ ରାକ୍ଷୀ ସାୱନ୍ତ ସମ୍ବଦ୍ଧିତ କିଛି ପ୍ରଶ୍ନ କରୁଛନ୍ତି ଏବଂ ଶାହରୁଖଙ୍କ ପାଖରୁ ସେହି ପ୍ରଶ୍ନର ଉତ୍ତର ଶୁଣି ଲୋକମାନେ ନ ହସି ରହିପାରୁ ନାହାନ୍ତି ।

କଥା କିଛି ଏହିପରି କି, ଶାହରୁଖ ଖାନ କରନ ଜୋରହଙ୍କ ଚ୍ୟାଟ ସୋ କଫି ୱିଥ୍ କରଣ ସୋରେ ଗେଷ୍ଟ ହୋଇ ଯାଇଥିଲେ, ଯେଉଁଠି କରନ ଶାହରୁଖଙ୍କୁ ପଚାରିଥିଲେ ଯେ, ଯଦି ରାକ୍ଷୀ ସାୱନ୍ତ ଆପଣଙ୍କ ଉପରେ ଜୋରଜବରଦସ୍ତି କିସ୍ କରିବାର ଅଭିଯୋଗ କରନ୍ତି, ତେବେ ଆପଣ କଣ କରିବେ ? ଏହି ପ୍ରଶ୍ନର ଉତ୍ତର ଦେଇ ଶାହରୁଖ କହିଥିଲେ ଯେ, ମୁଁ ଏହି ଆରୋପକୁ ସ୍ୱୀକାର କରିବି ।

ସେ କହିଲେ ଯେ ମୁଁ ଏଥିପାଇଁ ଏହି ଅଭିଯୋଗକୁ ସ୍ୱୀକାର କରିନେବି ଯେ ,ତାଙ୍କୁ କିସ୍ କରିବାକୁ ଆପଣଙ୍କୁ ମୋତେ ବାଧ୍ୟ କରିବାକୁ ପଡିବ । ଏହି ଏପିସୋଡରେ ତାଙ୍କୁ ଆଉ ଗୋଟିଏ ପ୍ରଶ୍ନ ପଚରାଯାଇଥିଲା ଯେ,  ଯଦି ଆପଣ କେବେ ସକାଳୁ କରନ ଜୋହର ଭାବେ ଉଠିବେ ତେବେ କଣ ହେବ?

ଏହି ପ୍ରଶ୍ନର ଉତ୍ତର ଦେଇ ଶାହରୁଖ କହିଲେ ଯେ, ମୁଁ କରନ ଜୋହର ହୋଇ ଉଠିବାର କମ୍ ଚାନ୍ସ ଅଛି କିନ୍ତୁ କରଣ ଜୋହର ସହ ଉଠିବାର ଅଧିକ ଚାନ୍ସ ରହିଛି କାରଣ ଲୋକମାନେ ତାହା ହିଁ ଭାବୁଛନ୍ତି । ଶାହରୁଖ ଖାନଙ୍କ ଏହି ମଜାଦାର ଉତ୍ତର ତାଙ୍କୁ ଦର୍ଶକଙ୍କ ମଧ୍ୟରେ ଆଗୁରି ଲୋକପ୍ରିୟ କରିଥାଏ ।

ଜଣାଇ ରଖୁଛୁ ଯେ ଶାହରୁଖ ଖାନ ଦୀର୍ଘ କିଛି ଦିନ ହେବ ଫିଲ୍ମରୁ ଦୂରେଇ ରହିଛନ୍ତି । ଫିଲ୍ମ ଜିରୋ ପରେ ତାଙ୍କର ନୂଆ ଫିଲ୍ମ ପାଇଁ ଦର୍ଶକ ଚାହିଁବସିଛନ୍ତି ।