ହ୍ୱାଟ୍ସଆପର ନୂଆ ପଲିସି ଆସେପ୍ଟ ନକଲେ ଡିଲିଟ୍ ହୋଇପାରେ ଆକାଉଣ୍ଟ୍ !

ନୂଆଦିଲ୍ଲୀ: ଆସନ୍ତା ବର୍ଷ ପ୍ରାରମ୍ଭରୁ ହ୍ୱାଟ୍ସଆପ ନିଜସ୍ୱ ଟର୍ମ୍ସ ଅଫ୍ ସର୍ଭିସକୁ ଅପଡେଟ୍ କରିବାକୁ ଯାଉଛି । ଯଦି ଆପଣ ଏହି ନୂଆ ପଲିସିକୁ ଆସେପ୍ଟ ନକରନ୍ତି ତାହେଲେ ଆପଣଙ୍କ ଆକାଉଣ୍ଟ୍ ଡିଲିଟ୍ ହୋଇପାରେ ।

ସୂଚନା ଅନୁଯାୟୀ ଏହି ନୂଆ ପଲିସି ଆସନ୍ତା ୨୦୨୧ ମସିହା ଜାନୁଆରୀରୁ ଫେବୃଆରୀ ମଧ୍ୟରେ  ଲାଗୁ ହେବାକୁ ଯାଉଛି । ସାରା ଦୁନିଆରେ ପାଖାପାଖି ୧.୫ ଅରବରୁ ଅଧିକ ହ୍ୱାଟ୍ସଆପ୍ ୟୁଜର୍ସ ରହିଛନ୍ତି ।

WABetainfo ର ଏକ ରିପୋର୍ଟ ଅନୁଯାୟୀ  ନୂଆ ଅପଡେଟ୍ ସହ ହ୍ୱାଟ୍ସଆପରେ ଇନ୍ ଆପ୍ ଆନାଉସମେଣ୍ଟ ପଠାଇବାର ଫିଚର ବି ସାମିଲ କରାଯିବ । ଯଦିଓ କମ୍ପାନୀ ପକ୍ଷରୁ ଏଯାବତ୍ ଏହି ନୂଆ ଟର୍ମ୍ସ ଅଫ୍ ସର୍ଭିସକୁ ସାଧାରଣ ଜନତାଙ୍କ ଲାଗି ଜାରି କରାଯାଇନାହିଁ ।

ସେହିପରି ବିଜନେସ୍ ଫେସବୁକ୍ ହୋଷ୍ଟେଡ୍ ସର୍ଭିସର ବ୍ୟବହାର କରି ହ୍ୱାଟ୍ସଆପ ଚାର୍ଟ୍ସକୁ ମ୍ୟାନେଜ୍ ଓ ଷ୍ଟାେର କରିପାରିବେ ।

ଏହାପୂର୍ବରୁ ହ୍ୱାଟ୍ସଆପ ନିଜ ପଲିସିକୁ ପରିବର୍ତ୍ତନ କରିବାକୁ ଚର୍ଚ୍ଚାରେ ରହିଥିଲା । ଯେଉଁ ବିବାଦ ହ୍ୱାଟ୍ସଆପ ୟୁଜର୍ସଙ୍କ ଡାଟାକୁ ଫେସବୁକ୍ ସହ ଶେୟାର କରିବାକୁ ନେଇ ହୋଇଥିଲା ।