କେଉଁ ଦୁଇଟି ନୂଆ ଫିଚର ଆଣିବାକୁ ଯାଉଛି ହ୍ବାଟ୍ସଆପ ଜାଣନ୍ତୁ…

ନୂଆଦିଲ୍ଲୀ: ହ୍ବାଟସଆପ ଅନେକ କିଛି ନୂଆ ଫିଚର ଉପରେ କାମ କରୁଛି ବୋଲି ଶୁଣିବାକୁ ମିଳୁଛି । ଯେଉଁଥିରେ ଉପଭୋକ୍ତାମାନେ ସେମାନଙ୍କ ଲାଷ୍ଟ ସିନ୍, ଷ୍ଟାଟସ ଓ ପ୍ରୋଫାଇଲ ଫଟୋକୁ ସିଲେକ୍ଟ କଣ୍ଟାକ୍ଟରୁ ଲୁଚାଇବାର ଫିଚର ମିଳିବ । ଏହା ସହ ଭଏସ ମେସେଜ ପଠାଇବା ପୂର୍ବରୁ ଆପଣ ଏହି ଭଏସ ମେସେଜକୁ ମଧ୍ୟ ଶୁଣିପାରିବେ । ହ୍ବାଟସଆପ ଟ୍ରାକର WABetainfo ଅନୁଯାୟୀ ଏହି ଫିଚର ବର୍ତ୍ତମାନ ଡେଭଲପମେଣ୍ଟ ପର୍ଯ୍ୟାୟରେ ରହିଛି । ହ୍ବାଟସଆପ ଭବିଷ୍ୟତରେ ଯେଉଁ ଅପଡେଟ ଆସିବ ସେଥିରେ ଏହି ସବୁ ଫିଚର ଆସିବ । ଲାଷ୍ଟ ସିନ୍, ଷ୍ଟାଟସ ଓ ପ୍ରୋଫାଇଲ ଫଟୋକୁ ସିଲେକ୍ଟ କଣ୍ଟାକ୍ଟରୁ ଲୁଚାଇବାର ଫିଚର ବର୍ତ୍ତମାନ ଫେସବୁକ ମାଲିକାନାରେ ଥିବା ହ୍ବାଟସଆପରେ ଉପଲବ୍ଧ ଅଛି ।

ହ୍ବାଟସଆପ ନୂତନ ପ୍ରାଇଭେସି ବିକଳ୍ପଗୁଡିକୁ ପରୀକ୍ଷଣ କରୁଛି ଯାହା ଦ୍ବାରା ଉପଭୋକ୍ତାମାନେ ସେମାନଙ୍କ ଅପଡେଟ ଓ ଫଟୋ ଲୁଚାଇବାକୁ ଅନୁମତି ଦେବ । ଏହି ଫିଚର ଉଭୟ ଆଣ୍ଡ୍ରଏଡ ଓ IOS ବ୍ୟବହାରକାରୀ ଉପଭୋକ୍ତା ବ୍ୟବହାର କରିପାରିବେ । ଉପଭୋକ୍ତାମାନେ ହ୍ବାଟସଆପରେ ସେମାନଙ୍କର ଷ୍ଟାଟସ, ଲାଷ୍ଟ ସିନ୍ ଓ ପ୍ରେଫାଇଲ ଫଟୋକୁ ‘Everyone’, ‘Nobody’ ‘ My Contacts’ରେ ରଖିପାରିବେ ।

WABetaInfo ଅନୁଯାୟୀ ହ୍ବାଟସଆପ ଏକ ନୂଆ ଫିଚର ଆଣୁଛି ଯାହାର ନାମ ହେଉଛି “My Contacts” । ଏହା ଦ୍ବାରା ଆପଣ ଆପଣଙ୍କ ଲାଷ୍ଟ ସିନ୍, ପ୍ରୋଫାଇଲ ଫଟୋ ଓ ଷ୍ଟାଟସ ଆପଣ ଅନ୍ୟମାନଙ୍କଠାରୁ ଲୁଚାଇ ପାରିବେ । ଏହା ବ୍ୟତୀତ ହ୍ବାଟସଆପ ଉପଭୋକ୍ତାମାନଙ୍କୁ ଶୀଘ୍ର ଭଏସ ମେସେଜର ଫିଚର ଆଣିବାକୁ ଯାଉଛି । ଏହି ଫିଚର ଦ୍ବାରା ଆପଣ ଭଏସ ମେସେଜକୁ ଆପଣ ପଠାଇବା ପୂର୍ବରୁ ଶୁଣି ପାରିବେ । ଏହି ଫିଚର ହ୍ବାଟସଆପକୁ ଆହୁରି ଅନୁକୂଳ କରିବ । ଏହି ଫିଚର ହ୍ବାଟସଆପରେ ଅଫଡେଟ ହେବା ପରେ ଆପଣ ଭଏସ ମେସେଜକୁ ଅଧାରୁ ବନ୍ଦ ରଖି ଶୁଣିପାରିବେ । ଯେତେବେଳେ ଆପଣ ଭଏସ ମେସେଜ ରେକର୍ଡିଂ କରିବେ ଏହି ସମୟରେ ଏକ ଆପଣଙ୍କ ଡିସପ୍ଲେରେ ଏକ ଓ୍ବେଭ ଫର୍ମ ଦେଖାଇବ । ତେବେ WABetaInfo ଅନୁଯାୟୀ ଏହି ଫିଚର ମଧ୍ୟ ଡେଭଲପମେଣ୍ଟ ସ୍ତରରେ ରହିଛି । କିନ୍ତୁ ଏହା ଆଣ୍ଡ୍ରଏଡ୍ ଓ ଆଇଓଏସରେ ବିଟା ପରୀକ୍ଷଣରେ ଉପଲବ୍ଧ ହେଉଛି । ଆନୁଷ୍ଠାନିକ ଭାବରେ ଏହା ଉପଲବ୍ଧ ହେବା ପରେ ଆପଣ ସହଜରେ ଆପଣଙ୍କ ଭଏସ ମେସେଜକୁ ପଠାଇବା ପୂର୍ବରୁ ଶୁଣି ପାରିବେ ।