ଦୀପାବଳି ଅଫରରେ ହ୍ୱାଟସପ୍ ଦେବ ୨୫୫ ଟଙ୍କା

ହ୍ୱାଟସପ୍ ଇଉଜର୍ସମାନଙ୍କୁ ମିଳିବ ଦିପାବଳି କ୍ୟାସବ୍ୟାକ୍ ଅଫର୍  । ହ୍ୱାଟସପ୍ ଆଣ୍ଡ୍ରଏଡର ବିଟା ଇଉଜର୍ସ ଏହି ଲାଭ ଉଠାଇ ପାରିବେ ବୋଲି ଜଣାପଡ଼ିଛି  । ରିପୋର୍ଟ ଅନୁଯାୟୀ ଇଉଜର୍ସମାନେ ନିଜର ଭିନ୍ନ ଭିନ୍ନ କଣ୍ଟାକ୍ଟରେ ଟଙ୍କା ପଠାଇବା ଦ୍ୱାରା ୫୧ ଟଙ୍କାର ଗ୍ୟାରେଣ୍ଟି କ୍ୟାସବ୍ୟାକ୍ ମିଳିବ  । ଏହା ବ୍ୟତୀତ ଇଉଜର୍ସ ୫ ଥର ଯାଏ ଏହି ହ୍ୱାଟସପ୍ କ୍ୟାସବ୍ୟାକ୍ ଅଫରର ଲାଭ ଉଠାଇ ପାରିବେ ଅର୍ଥାତ୍ ଇଉଜର୍ସ ପାଇପାରିବେ ମୋଟ ୨୫୫ ଟଙ୍କା  ।

ହ୍ୱାଟସପ୍ ଆଣ୍ଡ୍ରଏଡର ବିଟାକୁ ଏମିତି କରିପାରିବେ ଏନରୋଲ :

ବିଟାକୁ ଏନରୋଲ କରିବା ପାଇଁ ପ୍ରଥମେ ନିଜ ମୋବାଇଲର ଗୁଗୁଲ ପ୍ଲେ ଷ୍ଟୋରକୁ ଯାଆନ୍ତୁ  । ପ୍ଲେ ଷ୍ଟୋରରେ ହ୍ୱାଟସପ୍ ସର୍ଚ୍ଚ କରନ୍ତୁ । ଏହା ପରେ ତଳକୁ ସ୍କ୍ରଲ୍ କରି ବିଟା ଟେଷ୍ଟର ପ୍ୟାନେଲକୁ ଯାଆନ୍ତୁ  ଏବଂ ‘I’ m in’ > Choose ‘Join’ ଉପରେ ଟ୍ୟାପ୍ କରନ୍ତୁ  । ଆପଣ ଏନରୋଲ କରିବା ମାତ୍ରେ କିଛି ଘଣ୍ଟା ବ୍ୟବଧାନରେ ଆପର ଅପଡେଟ୍ ଆସିଯିବ  ।

ହ୍ୱାଟସପ ଅଫର କେବଳ ବିଟା ଇଉଜର୍ସମାନଙ୍କ ପାଇଁ ଅଛି ସତ ମାତ୍ର ଏହି ଫିଚର ଖୁବଶୀଘ୍ର ଅନ୍ୟ ଇଉଜର୍ସଙ୍କ ପାଇଁ ମଧ୍ୟ ଉପଲବ୍ଧ ହୋଇପାରେ ବୋଲି ଜଣାପଡ଼ିଛି  । କହିରଖୁ କି କିଛି ଦିନ ପୂର୍ବରୁ ପ୍ରତି ଚାଟ୍ ବାରରେ ହ୍ୱାଟସପ୍ ପେମେଣ୍ଟ ବଟନ୍ ଦିଆଯାଇଥିବା ବେଳେ ଏହି ଫିଚର୍ ଚାଟ୍ ବାରରେ ଯୋଡ଼ିହେବା ପରେ ଇଉଜର୍ସ ଲଗାତାର ଭାବେ ଟଙ୍କା ପଠାଇପାରିବେ  । ଏହାଛଡ଼ା କିଛି ଦିନ ତଳେ ପେମେଣ୍ଟ ବ୍ୟାକଗ୍ରାଉଣ୍ଡ ଫିଚରକୁ ମଧ୍ୟ ଯୋଡ଼ାଯାଇଥିଲା  ।