ଫାଇନରୁ ବର୍ତ୍ତିବା ପାଇଁ ଅଭିନବ ଉପାୟ, ହ୍ୱାଟ୍ସଆପ୍ ଗ୍ରୁପ କରି ଦେଉଛନ୍ତି ଆଗୁଆ ସୂଚନା

ଅନୁଗୁଳ: ଆରଟିଓ କର୍ମଚାରୀ ଡାଳେଡାଳେ ଗଲେ ପତ୍ରେ ପତ୍ରେ ନିୟମ ଉଲଘଂନକାରୀ । ଫାଇନରୁ ବର୍ତ୍ତିବା ପାଇଁ ଆପଣାଇଛନ୍ତି ଅଭିନବ ଉପାୟ । ହ୍ବାଟ୍ସଆପ ଗ୍ରୁପ କରି ଆଗୁଆ ସୂଚନା ଆଦାନ ପ୍ରଦାନ କରୁଛନ୍ତି । ସୂଚନା ପାଇ ପୋଲିସଠୁ ବଞ୍ଚିବାକୁ ଆପଣାଉଛନ୍ତି ଗଳାବାଟ । ଅନୁଗୁଳରେ ଏଭଳି ଘଟଣା ପୋଲିସ ଓ ପରିବହନ ବିଭାଗର ଚିନ୍ତା ବଢାଇଛି । ଜିଲ୍ଲାରେ ଶୂନ ମୃତ୍ୟୁ ସପ୍ତାହ ପାଳୁଛି ଅନୁଗୁଳ ପୋଲିସ । ନାବାଳକ ଗାଡ଼ି ଚାଳକଙ୍କ ଉପରେ କଡ଼ା ନଜର ରଖାଯିବା ସହ ନିୟମ ଖିଲାପକାରୀଙ୍କ ବିରୋଧରେ କଡ଼ା ଆକ୍ସନ ନିଆଯାଉଛି ।

କିନ୍ତୁ ଗ୍ରୁପରେ ଚେକିଂ ମେସେଜ୍ ପାଇବା ମାତ୍ରେ ସେହି ସ୍ଥାନ ଦେଇ ଲୋକ ମାନେ ଯାଉ ନଥିବା ଜଣାପଡ଼ିଛି । ଗାଡ଼ିର କାଗଜ ପତ୍ର, ଡ୍ରିଙ୍କ୍ ଏଣ୍ଡ ଡ୍ରାଇଭ୍ ଓ ହେଲମେଣ୍ଟ ଯାଞ୍ଚରୁ ବଞ୍ଚିବା ପାଇଁ ଏହିଭଳି ଉପାୟ ଅବଲମ୍ୱନ କରୁଛନ୍ତି ନିୟମ ଉଲଘଂନକାରୀ । ଅନେକ ସ୍ଥାନରେ କିଛି ଲୋକ ବେଫିକର ଭାବେ ପୋଲିସଠୁ ବଞ୍ଚିବାକୁ ଗଳାବାଟ ଆପଣାଉଥିବା ଦେଖିବାକୁ ମିଳିଛି ।