ହ୍ୱାଟସପ୍ ଇୟୁଜର୍ସଙ୍କ ପାଇଁ ଖୁସି ଖବର, ଆସିଲା ଚମତ୍କାର ଫିଚର
ହ୍ୱାଟସପ୍ ନିଜ ଇୟୁଜର୍ସଙ୍କ ପାଇଁ ସବୁବେଳେ କିଛି ନା କିଛି ନୂଆ ପରିବର୍ତ୍ତନ ଆଣିବା ସହ ନୂଆ ଫିଚର ମଧ୍ୟ ଆଣିଥାଏ । ଏହି କିଛି ଦିନ ତଳେ ହ୍ୱାଟସପରେ ପେମେଣ୍ଟ ଫିଚର୍ ଆସିଥିବା ବେଳେ ଇୟୁଜର୍ସମାନଙ୍କ ପାଇଁ ହ୍ୱାଟସପ୍ ଏବେ ପୁଣି ଏକ ଚମତ୍କାର ଫିଚର ଆଣିଛି । କମ୍ପାନୀ ‘କମ୍ୟୁନିଟି’ ନାମକ ଏକ ନୂଆ ଫିଚର ଆଣିଛି ବୋଲି ସୂଚନା ମିଳୁଛି ।
ରିପୋର୍ଟ ଅନୁସାରେ କମ୍ୟୁନିଟି ଏଭଳି ଏକ ଫିଚର ଯେଉଁଥିରେ ଗ୍ରୁପ୍ ଆଡମିନର ନିୟନ୍ତ୍ରଣ ରହିବ । ହ୍ୱାଟସପର ଲାଟେଷ୍ଟ ବିଟା ଭର୍ସନରେ ଏହି ନୂଆ ଫିଟରକୁ ସ୍ପଟ୍ କରାଯାଇଥିଲା । ହ୍ୱାଟସପ କମ୍ୟୁନିଟି ଏକ ନୂଆ ଗ୍ରୁପ୍ ଚାଟ୍ ହୋଇଥିବା ବେଳେ ଏହା ୟୁଜର୍ସଙ୍କୁ ବ୍ୟକ୍ତିଗତ ସ୍ଥାନ ଦେବ ବୋଲି କୁହାଯାଉଛି । ଗ୍ରୁପ୍ ଆଡମିନଙ୍କୁ ହିଁ ସମସ୍ତ କ୍ଷମତା ଦିଆଯିବା ସହ ଏଥିରେ ନିୟନ୍ତ୍ରଣ ମଧ୍ୟ ଆଡମିନର ଅଧିକ ରହିବ । କମ୍ୟୁନିଟି ଇନଭାଇଟ୍ ଲିଙ୍କ୍ ଦ୍ୱାରା ଲୋକଙ୍କୁ କମ୍ୟୁନିଟିରେ ସାମିଲ ହେବାକୁ ଆମନ୍ତ୍ରଣ କରିହେବ । ଏହି ଲିଙ୍କକୁ ବ୍ୟକ୍ତିଗତ କିମ୍ବା ସାର୍ବଜନୀନ ମଧ୍ୟ କରିହେବ ।
