ଟିକା ଦିଆଯିବା ପରେ କାହିଁକି ୩୦ ମିନିଟ୍ କେନ୍ଦ୍ରରେ ରହିବାକୁ ବାଧ୍ୟ?

ନୂଆଦିଲ୍ଲୀ: କରୋନା ଟିକାକରଣ ପାଇଁ  ସମସ୍ତ ରାଜ୍ୟକୁ କେନ୍ଦ୍ର ସରକାରଙ୍କଠାରୁ ନିର୍ଦ୍ଦେଶାବଳୀ ଆସିଯାଇଛି। ଟିକା ବଣ୍ଟନ ଏବଂ ପ୍ରଶାସନ ସମ୍ବନ୍ଧରେ ଜାରି କରାଯାଇଥିବା SOPରେ କେନ୍ଦ୍ର ରାଜ୍ୟମାନଙ୍କୁ ଅନେକ କିଛି ନିର୍ଦ୍ଦେଶ ଦେଇଛି। ଲୋକମାନେ ପ୍ରଥମେ ଟିକା ପାଇଁ ପଞ୍ଜୀକୃତ କରିବା ଜରୁରୀ। ଏହା ପରେ ସେମାନଙ୍କୁ ଏକ ତାରିଖ ଦିଆଯିବ, ସେହି ଦିନ ସେମାନଙ୍କୁ ଟିକାକରଣ କେନ୍ଦ୍ରରେ ପହଞ୍ଚିବାକୁ ପଡ଼ିବ। ଏହି କେନ୍ଦ୍ରଗୁଡିକରେ ଅତି କମରେ ତିନୋଟି ଅଲଗା କୋଠରୀ ରହିବା ଉଚିତ ବୋଲି କେନ୍ଦ୍ର ପରାମର୍ଶ ଦେଇଛି। ଆସ୍ତୁ ଜାଣିବା କାହିଁକି।

ନୂଆ SOPରେ କେନ୍ଦ୍ର ପରାମର୍ଶ ଦେଇଛି ଯେ ଯେଉଁଠାରେ ଟିକା ଦିଆଯିବ, ସେଠାରେ ତିନୋଟି କୋଠରୀ ରହିବା ଉଚିତ୍। ଏହି ତିନୋଟିରୁ ପ୍ରଥମଟି ଅପେକ୍ଷା କକ୍ଷ, ଦ୍ୱିତୀୟ ଟୀକାକରଣ କକ୍ଷ ଏବଂ ତୃତୀୟ ପର୍ଯ୍ୟବେକ୍ଷଣ କକ୍ଷ ହେବ। ଆସନ୍ତୁ ଜାଣଇବା ଏହି ତିନିଟି କକ୍ଷରେ କ’ଣ ହେବ।

ଅପେକ୍ଷା କକ୍ଷ(Waiting Room): ଏହି କକ୍ଷରେ ଆପଣଙ୍କୁ ବସି ନିଜ ପାଳିର ଅପେକ୍ଷା କରିବାକୁ ହେବ। ଆଠି ଆପଣଙ୍କ ପରିଚୟ ଯାଞ୍ଚ କରାଯିବ। ଏଥିରେ ଆପଣଙ୍କୁ ପରିଚୟପତ୍ର, ଫଟୋ ପ୍ରଭୃତି ଦେକାଇବାକୁ ପଡ଼ିବ। ଏହି କକ୍ଷରେ ହାଣ୍ଡୱସ୍ ଓ ସାନିଟାଇଜର୍ ମଧ୍ୟ ରଖାଯିବ।

ଟୀକାକରଣ କକ୍ଷ(Vaccine Room): ଏହି କକ୍ଷରେ ଆପଣଙ୍କୁ ଟୀକାର ଡୋଜ୍ ଦିଆଯିବ। ଏକ ସମୟରେ କେବଳ ଜଣେ  ବ୍ୟକ୍ତି ହିଁ ଏହି କକ୍ଷରେ ପ୍ରବେଶ କରିପାରିବେ। ମହିଳା ଟିକା ଗ୍ରହଣ କରିବାବେଳେ ଟୀକାକରଣ କକ୍ଷରେ ଜଣେ ମହିଳା କର୍ମଚାରୀଙ୍କ ଉପସ୍ଥିତି ବାଧ୍ୟତାମୂଳକ ହେବ।

ପର୍ଯ୍ୟବେକ୍ଷଣ କକ୍ଷ(Observation Room): ଟୀକା ନେବା ପରେ ଆପଣଙ୍କୁ ଏହି କକ୍ଷକୁ ପଠାଇଦିଆଯିବ। ଏଠାରେ ୩୦ ମିନିଟ୍ ପର୍ଯ୍ୟନ୍ତ ଆପଣଙ୍କୁ ମନିଟରି କରାଯିବ। ଏହା ଆପଣଙ୍କ କ୍ଷେତ୍ରରେ ଟୀକାର କିଛି ପ୍ରତିକୂଳ ପ୍ରଭାବ ପଡ଼ୁଛି କି ନାହିଁ ତାହା ଦେଖାଯିବ। ଟୀକାକରଣ ଟିମ୍ ସନ୍ତୁଷ୍ଟ ହେବା ପରେ ଯାଇ ଆପଣଙ୍କୁ ଘରକୁ ପଠାଇଦିଆଯିବ।

ସମସ୍ତ ତିନୋଟି ସ୍ଥାନରେ ସାମାଜିକ ଦୂରତା ଅନୁସରଣ କରିବାକୁ ପଡ଼ିବ। ଏହି ଟିକା ବିତରଣ ଦଳରେ ଜଣେ ଟିକା ଅଧିକାରୀ ଏବଂ ଚାରି ଜଣ ଟୀକାକରଣ ଅଧିକାରୀ ରହିବେ। ନିର୍ଦ୍ଦେଶାବଳୀ ଅନୁଯାୟୀ, ଟୀକାକରଣ ସ୍ଥାନରେ ଦିନକୁ ମାତ୍ର ୧୦୦ ଜଣ ଲୋକଙ୍କୁ ଟିକା ଦିଆଯିବ। ଯଦି ସୁବିଧା ଥିବ ତେବେ ଏହାକୁ ୨୦୦କୁ ମଧ୍ୟ ବୃଦ୍ଧି କରାଯାଇପାରିବ।

ସୂଚନାଯୋଗ୍ୟ, ଟିକାକରଣ ପାଇଁ ମତଦାନ ବୁଥ, କଲେଜ ଏବଂ କମ୍ୟୁନିଟି ହଲ୍ ବ୍ୟବହାର କରାଯାଇପାରିବ। ଏହା ବ୍ୟତୀତ ମ୍ୟୁନିସିପାଲିଟି କର୍ପୋରେସନ୍ ବିଲ୍ଡିଂ, ପଞ୍ଚାୟତ ବିଲଡିଂ, କ୍ୟାଣ୍ଟ ହସ୍ପିଟାଲ୍, ରେଳ ହସ୍ପିଟାଲ୍, ପାରାମିଲିଟାରୀ ଫୋର୍ସର ଶିବିରକୁ ଟୀକାକରଣ ସ୍ଥାନ ଭାବରେ ବ୍ୟବହାର କରିବାର ଯୋଜନା ରହିଛି।