ଜାଣନ୍ତୁ ଓଡ଼ିଶା କୋଭିଡ-୧୯ ନିୟମାବଳୀ ୨୦୨୦ କଣ ?
1 min read
ଭୁବନେଶ୍ୱର: ବିଶ୍ୱରେ ଭୟାଭୟତା ଖେଳାଇଥିବା କରୋନାକୁ ନେଇ ରାଜ୍ୟ ସରକାର ତତ୍ପରତା ପ୍ରକାଶ କରିଛନ୍ତି । କରୋନା ମୁକାବିଲା ପାଇଁ ସରକାର ୨୦୦ କୋଟି ଟଙ୍କାର ପ୍ୟାକେଜ ଘୋଷଣା କରିବା ସହ ଆଣିଛନ୍ତି ଓଡ଼ିଶା କୋଭିଡ୍-୧୯ ନିୟାମକ ୨୦୨୦ ।
- ଏହାକୁ ଓଡ଼ିଶା କୋଭିଡ-୧୯, ୨୦୨୦ ନାଁରେ ନାମିତ କରାଯାଇଛି ।
- ସନ୍ଦିଗ୍ଧଙ୍କ ଚିହ୍ନଟ ପାଇଁ ସମସ୍ତ ସରକାରୀ ଓ ବେସରକାରୀ ହସ୍ପିଟାଲରେ କୋଭିଡ-୧୯ କର୍ଣ୍ଣର ରହିବ ।
- ସମସ୍ତ ସରକାରୀ ଓ ବେସରକାରୀ ହସ୍ପିଟାଲ ସ୍କ୍ରିନିଂ ସମୟରେ ସନ୍ଦିଗ୍ଧଙ୍କ ଯାତ୍ରା ବିବରଣୀ ସହ କରୋନା ବ୍ୟାପିଥିବା ଦେଶକୁ ସନ୍ଦିଗ୍ଧ ଯାଇଥିଲେ କି ନାହିଁ ତାର ତଥ୍ୟ ରଖିବେ ।
- ୧୪ ଦିନ ମଧ୍ୟରେ ଯଦି ସନ୍ଦିଗ୍ଧ କରୋନା ଆକ୍ରାନ୍ତ ଅଞ୍ଚଳକୁ ଯାଇଥିବା ଜଣାପଡ଼େ ଏବଂ ତାଙ୍କ ଠାରେ ଲକ୍ଷଣ ପ୍ରକାଶ ପାଇବାର ୧୪ ଦିନ ପର୍ଯ୍ୟନ୍ତ ଘରୋଇ କ୍ୱାରେଣ୍ଟାଇନରେ ରଖାଯିବ । ଭାରତ ସରକାରଙ୍କ ସ୍ୱାସ୍ଥ୍ୟ ମନ୍ତ୍ରାଳୟ ଦ୍ୱାରା ଜାରି ହୋମ୍ କ୍ୱାରେଣ୍ଟାଇନ୍ ଗାଇଡଲାଇନକୁ ସମ୍ପୃକ୍ତ ବ୍ୟକ୍ତି ନିଶ୍ଚିତ ଭାବେ ଅନୁସରଣ କରିବେ । ଯଦି ସନ୍ଦିଗ୍ଧ ଗାଇଡଲାଇନକୁ ମାନନ୍ତି ନାହିଁ । ତେବେ, ତାଙ୍କୁ ସରକାରଙ୍କ ଦ୍ୱାରା ଖୋଲା ଯାଇଥିବା କ୍ୱାରେଣ୍ଟାଇନ କେନ୍ଦ୍ରରେ ରଖାଯିବ ।
- କୋଭିଡ୍-୧୯ର ଲକ୍ଷଣ ପ୍ରକାଶ ପାଉଥିଲେ ଏବଂ ସନ୍ଦିଗ୍ଧଙ୍କର ଯାତ୍ରା ବିବରଣୀ ଥିଲେ ହସ୍ପିଟାଲରେ ନିୟମ ଅନୁସାରେ ତାଙ୍କର କୋଭିଡ୍-୧୯ ପରୀକ୍ଷଣ କରାଯିବ ।
- ଏହିଭଳି ମାମଲାର ତଥ୍ୟ ରାଜ୍ୟ ସମନ୍ୱିତ ରୋଗ ନିରୀକ୍ଷଣ ୟୁନିଟ ଏବଂ ସମ୍ପୃକ୍ତ ଜିଲ୍ଲାର ଜିଲ୍ଲାପାଳ, ସ୍ଥାନୀୟ ମ୍ୟୁନିସପାଲ କମିଶନରଙ୍କୁ ତୁରନ୍ତ ପ୍ରଦାନ କରାଯିବ ।
- କରୋନା ନେଇ ଗୁଜବ ସୃଷ୍ଟି କଲେ ଏହା ଦଣ୍ଡନୀୟ ଅପରାଧ ବିବେଚିତ ହେବ । ସୋସିଆଲ ମିଡିଆ, ପ୍ରିଣ୍ଟ କିମ୍ବା ବୈଦ୍ୟୁତିକ ଗଣମାଧ୍ୟମରେ ଭୁଲ୍ ଖବର ପ୍ରସାରଣ କରିବା ଦଣ୍ଡନୀୟ ।
- ବେସରକାରୀ ଲ୍ୟାବରେ କୋଭିଡ୍-୧୯ ପରୀକ୍ଷଣ କରାଯିବ ନାହିଁ ।
- ଘରୋଇ ସ୍ୱାସ୍ଥ୍ୟସେବା କେନ୍ଦ୍ର କୋଭିଡ-୧୯ ଟେଷ୍ଟ କରିବାକୁ ଚାହିଁଲେ ନମୁନାକୁ ରାଜ୍ୟ IDSP ଜରିଆରେ ପଠାଇବେ । ICMR ଦ୍ୱାରା ନିର୍ଦ୍ଧାରିତ ଗାଇଡଲାଇନ୍ ଅନୁସାରେ ଟେଷ୍ଟ ବ୍ୟବସ୍ଥା କରାଇବେ ।
- ଗତ ୧୪ ଦିନ ମଧ୍ୟରେ କରୋନା ବ୍ୟାପିଥିବା ଦେଶ କିମ୍ବା ଅଞ୍ଚଳକୁ କୌଣସି ବ୍ୟକ୍ତି ଯାଇଥିଲେ ତାଙ୍କୁ ସ୍ୱେଚ୍ଛାକୃତ ଭାବେ ରାଜ୍ୟ ନିୟନ୍ତ୍ରଣ କକ୍ଷକୁ (୦୬୭୪-୨୩୯୦୪୬୬), ରାଜ୍ୟ ସମନ୍ୱିତ ରୋଗ ନିରୀକ୍ଷଣ ୟୁନିଟ୍ (୯୪୩୯୯୯୪୮୫୭, ୯୪୩୯୯୯୪୮୫୯)କୁ ସୂଚନା ଦେବେ ।
- କରୋନା ଖବର ଆସିଲେ ମୁକାବିଲା ପାଇଁ ସମ୍ପୃକ୍ତ ଜିଲ୍ଲାପାଳ ପଦକ୍ଷେପ ନେବେ ।
- ଏହି ଆଇନ୍ ଦ୍ୱାରା କ୍ଷମତାପ୍ରାପ୍ତ ଅଧିକାରୀ କୌଣସି ବ୍ୟକ୍ତିଙ୍କୁ ପୃଥକ ରଖିପାରିବେ କିମ୍ବା କୋଭିଡ-୧୯ ଲକ୍ଷଣ ଦେଖା ଯାଉଥିବା ବ୍ୟକ୍ତିଙ୍କୁ ହସ୍ପିଟାଲରେ ଭର୍ତ୍ତି କରିପାରିବେ । ତାଙ୍କ ଆଦେଶକୁ ଅମାନ୍ୟ କରୁଥିବା ବ୍ୟକ୍ତିଙ୍କ ବିରୋଧରେ ଆଇପିସିର ଧାରା ୧୮୮ ଅନ୍ତର୍ଗତରେ ସେ କାର୍ଯ୍ୟାନୁଷ୍ଠାନ ଗ୍ରହଣ କରିପାରିବେ ।
- ଭଲ ଉଦ୍ଦେଶ୍ୟରେ ନିଆଯାଇଥିବା ପଦକ୍ଷେପ ପାଇଁ କୌଣସି ବ୍ୟକ୍ତିଙ୍କ ବିରୋଧରେ କାର୍ଯ୍ୟାନୁଷ୍ଠାନ ନିଆଯିବ ନାହିଁ ।
- ଏହି ରେଗୁଲେସନ୍ ବିଜ୍ଞପ୍ତି ଜାରି ହେବାର ବର୍ଷକ ପର୍ଯ୍ୟନ୍ତ ବୈଧ ।
