କ’ଣ ଏହି DeepFake ଭିଡିଓ? ଜାଣନ୍ତୁ ଚଳିତ ବର୍ଷ କେତେ ଜଣ ଏହାର ଶିକାର ହୋଇଛନ୍ତି
1 min read
ମୁମ୍ବାଇ: DeepFake ଭିଡିଓର ଶିକାର ହୋଇଛନ୍ତି ଅଭିନେତ୍ରୀ ରଶ୍ମିକା ମାନ୍ଦନା । ସୋସିଆଲ ମିଡିଆରେ ତାଙ୍କ ଭିଡିଓ ଭାଇରାଲ ହେବା ପରେ ୟୁଜର୍ସମାନେ ବହୁ ଟ୍ରୋଲ ମଧ୍ୟ କରିଥିଲେ । ବାସ୍ତବରେ କିନ୍ତୁ ଏହା ପ୍ରକୃତ ଭିଡିଓ ନୁହେଁ ବୋଲି ନିଜର ପ୍ରତିକ୍ରିୟା ରଖିଛନ୍ତି ରଶ୍ମିକା । ଟେକ୍ନୋଲୋଜିଙ୍କ ଅପବ୍ୟହାର କରି ଏଭଳି କରାଯାଉଛି । ଯାହାକି ଅତ୍ୟନ୍ତ ନିନ୍ଦନୀୟ ବୋଲି କହିଛନ୍ତି । ତେବେ ଏହି DeepFake ଭିଡିଓ କ’ଣ? କିଭଳି ଏହାର ଅପବ୍ୟବହାର କରାଯାଉଛି? ଏଭଳି ଅନେକ ପ୍ରଶ୍ନ ସମସ୍ତଙ୍କ ମନରେ ଉଠିଛି । ଟେକ୍ନୋଲୋଜି ବ୍ୟବହାର କରାଯାଉଥିବାବେଳେ କିଛି ଅସାଧୁ ବ୍ୟକ୍ତି ଏହାର ଅପବ୍ୟବହାର କରୁଛନ୍ତି । ତେବେ ଏଭଳି ଅନେକ ଲୋକଙ୍କ କ୍ଷେତ୍ରରେ ଘଟୁଛି । ପୂର୍ବରୁ ମଧ୍ୟ ବହୁ ସେଲିବ୍ରେଟିଙ୍କ ମୁହଁକୁ ବ୍ୟବହାର କରାଯାଇ ଭିଡିଓକୁ ଭାଇରାଲ କରାଯାଇଛି ।
୧୯୯୦ ମସିହାରୁ ଏହାର ଆରମ୍ଭ ହୋଇଛି । ଏକ ରିସର୍ଚ୍ଚରୁ ଜଣା ପଡ଼ିଥିବାବେଳେ ପରେ ଅନଲାଇନ ମାଧ୍ୟମରେ ବ୍ୟବହାର ହେଲା । AI ଏବଂ ମସିନ ଲର୍ଗିନ ମାଧ୍ୟମରେ ଏହାକୁ କ୍ରିଏଟ କରାଯାଏ । ଏଭଳି ଅଶ୍ଲିଲ ଫଟୋ ଅପଲୋଡ ହେବା ୨୦୧୮ ମସିହାଠାରୁ ବୃଦ୍ଧି ହୋଇଛି । ୨୦୧୮ ମସିହାରେ ୨୯୦ ପ୍ରତିଶତ ବୃଦ୍ଧି ପାଇଛି । ସେପଟେ ୨୦୨୩ ମସିହାରେ ୧.୪୩ ଲକ୍ଷ ଲୋକଙ୍କ କ୍ଷେତ୍ରରେ ଘଟିଥିବା ଜଣାପଡ଼ିଛି । ବିଶେଷ କରି ଝିଅଙ୍କ ଫଟୋକୁ ବ୍ୟବହାର କରି ଏଭଳି କରିଥାନ୍ତି କିଛି ଅସାଧୁ ବ୍ୟକ୍ତି । ଫଟୋସପ କିମ୍ବା ଅନ୍ୟ ଆପ ମାଧ୍ୟମରେ ଏଭଳି ନକଲି ଫଟୋ ଭିଡିଓ ବନାଇବା କିଛି ନୂଆ କଥା ନୁହେଁ । କିନ୍ତୁ DeepFake ଭିଡିଓରେ AI ବ୍ୟବହାର ହୁଏ । ଜଣେ ବ୍ୟକ୍ତିଙ୍କର ପ୍ରକୃତ ଭିଡିଓରୁ ଏକ ଆଲଗୋରିଦିମକୁ ଟ୍ରେନ କରାଯାଏ । ଏପରିକି ଚେହେରା ସହ ଭଏସକୁ ମଧ୍ୟ ମିଶାଇବା ଭଳି ବ୍ୟବହାର କରିଥାନ୍ତି ।
