କରୋନା ସମୟରେ ସ୍ୱାସ୍ଥ୍ୟ ବୀମା ସମ୍ପର୍କିତ ବଦଳିଲା ଏହି ୫ ନିୟମ, ଜାଣନ୍ତୁ କଣ…

ନୂଆଦିଲ୍ଲୀ: କରୋନା ପାଇଁ ଲୋକଙ୍କୁ ଏବେ ହଇରାଣ ହରକତ ହେବାକୁ ପଡ଼ୁଛି । ଦେଶରେ ଲୋକଙ୍କୁ ବିଭିନ୍ନ ପ୍ରକାରର ଅସୁବିଧାର ସମ୍ମୁଖିନ ହେବାକୁ ପଡ଼ୁଛି । ସେ ସ୍ୱାସ୍ଥ୍ୟ ସମସ୍ୟା ହେଉ କି ଅନ୍ୟକିଛି । ଯଦି କରୋନା ଭାଇରସ୍ ସମୟରେ କେହି ଅସୁସ୍ଥ ହୋଇପନିନ୍ତି ତେବେ ଡାକ୍ତରଖାନାରେ ଉପଯୁକ୍ତ ଚିକିତ୍ସା ପାଇବା ଏବଂ ବୀମା କମ୍ପାନୀଗୁଡ଼ିକ ଦ୍ୱାରା ସଠିକ୍ ଦାବି କରିବା ଅତ୍ୟନ୍ତ କଷ୍ଟକର ହୋଇପଡୁଛି । ଏହି ସଙ୍କଟ ସମୟରେ ଏପରି ଅନେକ ରିପୋର୍ଟ ଅଛି, ଯେଉଁଥିରେ ଡାକ୍ତରଖାନା କ୍ୟାସ୍‌ ଲେସ୍‌ର କ୍ଲେମକୁ ପ୍ରତ୍ୟାଖ୍ୟାନ କରୁଛନ୍ତି । ଏହିପରି ଅସୁବିଧା କାରଣରୁ , IRDAI କରୋନା ଅବଧି ମଧ୍ୟରେ ସ୍ୱାସ୍ଥ୍ୟ ବୀମା ସମ୍ବନ୍ଧରେ କିଛି ନିର୍ଦ୍ଦେଶ ଜାରି କରିଛି ।

IRDAI ର ନିର୍ଦ୍ଦେଶ ଅନୁଯାୟୀ, ସମସ୍ତ ବୀମା କମ୍ପାନୀ କରୋନା ଚିକିତ୍ସା ପାଇଁ କରୋନା କବଚ ସ୍ପେଶାଲ୍ ପଲିସି ଆରମ୍ଭ କରିଛନ୍ତି । ଏହା ସଂପୂର୍ଣ୍ଣ ଭାବେ କରୋନା ହସ୍ପିଟାଲରେ ଭର୍ତ୍ତି ହୋଇଥିବା ରୋଗୀଙ୍କର ପୁରା କ୍ଲେମ୍‌ କଭର କରିବ । ଏଥିପାଇଁ ବୀମା ରାଶି ୫୦ ହଜାରରୁ ୫ ଲକ୍ଷ ପର୍ଯ୍ୟନ୍ତ ରହିଛି ।

IRDAI ନିର୍ଦ୍ଦେଶାବଳୀ ଅନୁଯାୟୀ, କରୋନା କବଚ ନୀତି ଆରମ୍ଭ ସାଢ଼େ ତିନି ମାସ, ସାଢ଼େ ଛଅ ମାସ ଏବଂ ସାଢ଼େ ନଅ ମାସ ପାଇଁ ହୋଇପାରେ । ବୀମା ରାଶି ୫୦ ହଜାରରୁ ରୁ ୫ ଲକ୍ଷ ଟଙ୍କା ପର୍ଯ୍ୟନ୍ତ ରହିଛି । ସମସ୍ତ ୩୦ ଜେନେରାଏ ଏବଂ ସ୍ୱାସ୍ଥ୍ୟ ବୀମା କମ୍ପାନୀ ପାଇଁ କରୋନା କବଚ ପଲିସି ପ୍ରଯୁଜ୍ୟ ।

୧୪ ଜୁଲାଇରେ ଜାରି ହୋଇଥିବା IRDAI ସର୍କୁଲାରରେ ସ୍ପଷ୍ଟ ଭାବରେ କୁହାଯାଇଛି ଯେ କରୋନା ଚିକିତ୍ସା କ୍ଷେତ୍ରରେ କୌଣସି ଡାକ୍ତରଖାନା କ୍ୟାସ୍‌ ଲେସ୍‌ କ୍ଲେମ୍‌କୁ ପ୍ରତ୍ୟାକ୍ଷାନ କରିପାରିବେ ନାହିଁ । ରି- ଡ୍ରେସାଲ୍ ମେକାନିଜିମ୍ ପ୍ରସ୍ତୁତ କରିବାକୁ ବୀମା କମ୍ପାନୀଗୁଡିକୁ ମଧ୍ୟ ନିର୍ଦ୍ଦେଶ ଦିଆଯାଇଛି । ଯେଉଁଥିରେ କରୋନା ପୀଡିତଙ୍କ ମାମଲା ବିଶେଷ ଭାବରେ ଶୁଣାଯିବା ଉଚିତ୍ ।

IRDAI କରୋନା ୱାରିୟର୍ସ ଉପରେ ରିହାତି ପ୍ରଦାନ କରିବାକୁ ବୀମା କମ୍ପାନୀଗୁଡ଼ିକୁ କହିଛି । ସ୍ୱାସ୍ଥ୍ୟସେବାରେ ଡାକ୍ତର, ନର୍ସ ଏବଂ ଅନ୍ୟମାନେ କରୋନା କବଚ ନୀତି ଗ୍ରହଣ କରିବା ଉପରେ ୫ ପ୍ରତିଶତର ରିହାତି ପାଇବେ।