ଆଞ୍ଚଳିକ ସିନେମାର ଗତି ଓ ପ୍ରଗତିକୁ ନେଇ କଣ କହିଲେ ବଲିଉଡ ଅଭିନେତ୍ରୀ ରେବତୀ ?

ଭୁବନେଶ୍ୱର : ଜାତି ନନ୍ଦିଘୋଷ କନକ୍ଲେଭରେ ଆଞ୍ଚଳିକ ସିନେମାର ଗତି ଓ ପ୍ରଗତି ଶୀର୍ଷକ ନେଇ  ଆୟୋଜିତ ଅଧିବେଶନରେ ଯୋଗ ଦେଇଥିଲେ ବଲିଉଡ ଅଭିନେତ୍ରୀ ରେବତୀ। କନକ୍ଲେଭକୁ ଆସି ବହୁତ ଖୁସି ବୋଲି ସେ କହିଥିଲେ। ସମ୍ରାଟ ଅଶୋକ ଯେଉଁ ମାଟିରେ ନିଜକୁ ପରିବର୍ତ୍ତନ କରିଥିଲେ ସେ ମାଟି କଳିଙ୍ଗକୁ ଆସି ମୁଁ ଧନ୍ଯ ବୋଲି କହିଥିଲେ।  ଅଭିନେତ୍ରୀ ରେବତୀ ଅଭିନୟ ସହ ସିନେମା ନିର୍ମାଣ, ପ୍ରଯୋଜନା ତଥା ନିର୍ଦ୍ଦେଶନାରେ ସଫଳତା ହାସଲ କରିଛନ୍ତି। ହିନ୍ଦୀ ସହ ଏକାଧିକ ଆଞ୍ଚଳିକ ଭାଷା ସିନେମାରେ ସଫଳତା ହାସଲ କରିଛନ୍ତି। ପୂର୍ବ ତୁଳନାରେ ମହିଳାଙ୍କ ଭାଗିଦାରୀ ସିନେମାରେ ବଢିଛି। ତେବେ ସେ ନିଜକୁ କୋଣସି ଅଂଚଳର ନୁହେଁ ଭାରତର ବୋଲି ସମ୍ବୋଧିତ କରିଥିଲେ। ସାରା ଭାରତ କାହାଣୀରେ ପରିପୂର୍ଣ। ଆଉ ଆମେ ଭାରତୀୟ ଭାବେ କାହାଣୀ ପ୍ରସ୍ତୁତ କରିଥାଉ ଆଉ ଏହାକୁ କହିବାକୁ ଭଲ ପାଇଥାଉ। ଆଉ ସିନେମା ଏହାର ଗୋଟିଏ ଅଂଶବିଶେଷ।

ଦେଶର ସମସ୍ତ ସିନେମା ଇଣ୍ଡଷ୍ଟ୍ରିରେ କୌଣସି ପ୍ରଭେଦ ଦେଖିବାକୁ ପାଇନାହିଁ ବୋଲି କହିଥିଲେ ରେବତୀ।ଦେଶର ପ୍ରତିଟି ଇଣ୍ଡଷ୍ଟ୍ରୀ ସେଠାକାର କାହାଣୀକୁ ସୁନ୍ଦର ଭାବେ ପ୍ରସ୍ତୁତ କରି ପ୍ରଦର୍ଶିତ କରିଥାନ୍ତି। ତେବେ ସିନେମାରେ ପ୍ରତିଭାର ପରିପ୍ରକାଶ ଲାଗି କୌଣସି ବାଧାବିଘ୍ନ ନାହିଁ। ଯଦି ପ୍ରତିଭା ଅଛି ତେବେ କିଏ ତୁମକୁ ରୋକିପାରିବେନି ବୋଲି କହିଛନ୍ତି ରେବତୀ। କମର୍ସିଆଲ ସିନେମା ତୁଳନାରେ ଓଟିଟି ପ୍ଲାଟଫର୍ମ ତୀବ୍ରଭାବେ ବଢିବାରେ ଲାଗିଛି। ଲେଖକ, ଅଭିନେତା ଓ ସିନେ ନିର୍ମାତାଙ୍କ ଚାହିଦା ବଢିବାରେ ଲାଗିଛି। ଫିଲ୍ମରେ ମହିଳାଙ୍କ ଭୂମିକା ଅତ୍ୟନ୍ତ ଗୁରୁତ୍ଵପୂର୍ଣ୍ଣ। ପୂର୍ବ ତୁଳନାରେ ମହିଳା ଫିଲ୍ମ ନିର୍ମାତା ଏବଂ ଲେଖକଙ୍କ ପାଇଁ ଏବେ ଅଧିକ ସୁଯୋଗ ରହିଛି। ଅଭିନେତ୍ରୀଙ୍କ ପାଖରେ ମଧ୍ଯ ପୂର୍ବ ତୁଳନାରେ ସୁଯୋଗ ଅଧିକ ରହିଛି  ବୋଲି କହିଛନ୍ତି ରେବତୀ।