ଦିନକୁ ଖାଦ୍ୟରେ କେତେ ପରିମାଣର ଲୁଣ ଏବଂ ଚିନି ନେବା ଉଚିତ୍‌?

ନୂଆଦିଲ୍ଲୀ:    ଖାଦ୍ୟରେ ଲୁଣ ଏବଂ ଚିନିର ଏକ ଗୁରୁତ୍ୱପୂର୍ଣ୍ଣ ଭୂମିକା ରହିଛି ଏହା ଠିକ୍, କିନ୍ତୁ ଉତ୍ତମ ସ୍ୱାସ୍ଥ୍ୟ ଗଠନରେ ମଧ୍ୟ ଏହାର ଯଥେଷ୍ଟ ଆବଶ୍ୟକତା ରହିଛି । ଆବଶ୍ୟକତା ଠାରୁ ଅଧିକ ହେଉ ବା କମ୍ ଏହା କ୍ଷତିକାରକ ହୋଇଥାଏ । ତେବେ ଏହାର ଅସନ୍ତୁଳିତ ମାତ୍ରା ଶରୀର ଉପରେ କିଭଳି ପ୍ରଭାବ ପକାଏ ?

ହୃଦଘାତ ହେଉ ବା ରକ୍ତଚାପ , ଯେତେବେଳେ ଏହି ରୋଗ ବିଷୟରେ ଆମେ ଭାବିଥାଉ ସେତେବେଳେ ପ୍ରଥମେ ମନକୁ ଆସେ ଲୁଣ ଓ ଚିନିର କଥା । ଏଥିପାଇଁ କେତେକ ବ୍ୟକ୍ତି ଲୋ ସୋଡିୟମକୁ ପ୍ରାଧାନ୍ୟ ଦେଇଥାନ୍ତି । କିନ୍ତୁ ଖାଦ୍ୟରେ ସୋଡିୟମର ମାତ୍ରା କମ୍ କରିଦେଲେଯେ ହୃଦରୋଗ ଜନିତ ସମସ୍ୟା ଦେଖାଦେବ ନାହିଁ ତାହା କହିବା ଭୁଲ ହେବ ।

ସୋଡିୟମ ନେବାଦ୍ୱାରା କିଛି ଲୋକଙ୍କ ରକ୍ତଚାପ କମ୍ ହୋଇପାରେ । କିନ୍ତୁ କିଛି ବ୍ୟକ୍ତିଙ୍କ ନିକଟରେ ଏହାର ଓଲଟା ପ୍ରଭାବ ପଡ଼ିଥାଏ । ଏହାଦ୍ୱାରା ରକ୍ତଚାପ ବଢିଯାଏ ।
ଆମେରିକାନ୍ ହାର୍ଟ ଆସୋସିଏସନ ଅନୁସାରେ ଜଣେ ବ୍ୟକ୍ତି ଦିନକୁ ୧.୫ ଗ୍ରାମରୁ କମ୍ ଲୁଣ ଖାଇବା ଅନୁଚିତ୍ । ନଚେତ୍ ହାର୍ଟ ଆଟାକ ବା ହୃଦଘାତର ସମସ୍ୟା ବଢିଯାଏ । ଅନ୍ୟପଟେ ୫୦ ବର୍ଷରୁ ଅଧିକ ଏବଂ ମଧୁମେହ ରୋଗୀ ଦିନକୁ ୧.୫ ଗ୍ରାମରୁ ଅଧିକ ଲୁଣ ଖାଇବା ଅନୁଚିତ୍ ।

https://studio.youtube.com/video/5tb0S2bOKMc/edit?c=UCCTrqrHKqdS915K-TpMG6pg

ସୋଡିୟମ ଏକ ଜରୁରୀ ପୋଷକ । କେତେକ ଗବେଷଣାରେ କୁହାଯାଇଛି, ହୃତପିଣ୍ଡକୁ ସୁସ୍ଥ ରଖିବା ପାଇଁ ଅଧିକାଂଶ ଲୋକ ପ୍ରତିଦିନ ୩ରୁ ୬ ଗ୍ରାମ ମଧ୍ୟରେ ଲୁଣ ଖାଇବା ଉଚିତ୍ । ଅବଶ୍ୟ ଅଧିକାଂଶ ଲୋକ ଏହି ପରିମାଣର ଲୁଣ ଖାଇଥାନ୍ତି ।

ପ୍ୟାକ୍ଡ ଫୁଡରେ ୭୫ ପ୍ରତିଶତ କୃତ୍ରିମ ଚିନି ରହିଛି । ଚିନିର ଅଧିକ ମାତ୍ରା ହରମୋନ୍ସକୁ ପ୍ରଭାବିତ କରିଥାଏ । ଏହାଦ୍ୱାରା ନା କେବଳ ମଧୁମେହ ବରଂ ରକ୍ତଚାପର ଆଶଙ୍କା ବଢିଯାଏ ।

୧୦ ପ୍ରତିଶତରୁ କମ୍ କ୍ୟାଲୋରୀ ନେଉଥିବା ବ୍ୟକ୍ତିଙ୍କ ତୁଳନାରେ ଆଡେଡ ସୁଗାରର ୨୫ ପ୍ରତିଶତ ବା ତା ଠାରୁ ଅଧିକ କ୍ୟାଲୋରୀର ଚିନି ଖାଉଥିବା ବ୍ୟକ୍ତିଙ୍କ ନିକଟରେ ମୃତ୍ୟୁ ଆଶଙ୍କା ତିନିଗୁଣ ବଢିଯାଏ । । ଅଧିକ ମାତ୍ରାରେ ଚିନି ଖାଇବା ଦ୍ୱାରା ଓଜନ ସମସ୍ୟା ଠାରୁ ଆରମ୍ଭ କରି ଦାନ୍ତ ସମସ୍ୟା, ରକ୍ତଚାପ,ହୃଦଘାତ ଜନିତ ସମସ୍ୟା ବଢିଯାଏ । କିନ୍ତୁ ଚିନି ଅପେକ୍ଷା ଲୁଣ ଅଧିକ କ୍ଷତିକାରକ ବୋଲି କହିଛି ଆମେରିକାନ ଗାଇଡଲାଇନ କମିଟି । ଏହା ସହିତ ଫୁଡ୍ ଇଣ୍ଡଷ୍ଟ୍ରିକୁ ସୋଡିୟମ ସ୍ତର କମ୍ କରିବା ପାଇଁ କହିଛନ୍ତି ।

ସୋଡିୟମ ଏବଂ ସୁଗାରର ସନ୍ତୁଳିତ ମାତ୍ରା ପାଇବା ପାଇଁ ପ୍ରୋସେସ୍ଡ ଫୁଡ୍ ଠାରୁ ଦୂରେଇ ରହିବା ଉଚିତ୍ । ।