ପଶ୍ଚିମବଙ୍ଗରେ ହିଂସା: ସରକାର ଓ ନିର୍ବାଚନ ଆୟୋଗଙ୍କୁ ସୁପ୍ରିମକୋର୍ଟଙ୍କ ନୋଟିସ୍

1 min read

ନୂଆଦିଲ୍ଲୀ: ନିର୍ବାଚନ ପରେ ପଶ୍ଚିମବଙ୍ଗରେ ହୋଇଥିବା ହିଂସାକୁ ନେଇ କେନ୍ଦ୍ର ସରକାର, ପଶ୍ଚିମବଙ୍ଗ ସରକାର ଓ ନିର୍ବାଚନ ଆୟୋଗଙ୍କୁ ସୁପ୍ରିମକୋର୍ଟଙ୍କ ପକ୍ଷରୁ ନୋଟିସ୍ କରାଯାଇଛି। କିଭଳି ତଥା କେଉଁ ପରିସ୍ଥିତିରେ ହିଂସାକାଣ୍ଡ ଘଟିଲା ତାହା ଜାଣିବା ପାଇଁ କୋର୍ଟ ନିର୍ଦ୍ଦେଶ ଦେଇଛନ୍ତି।

SUPREME COURT

ପଶ୍ଚିମବଙ୍ଗ ହିଂସାକାଣ୍ଡକୁ ନେଇ ସୁପ୍ରିମକୋର୍ଟରେ ଆବେଦନ ଦାୟର କରିଥିଲେ ରଞ୍ଜନ ଅଗ୍ନିହୋତ୍ରି ଓ ଅନ୍ୟ ଜଣେ ବ୍ୟକ୍ତି। ମେ ୨ ତାରିଖରେ ପଶ୍ଚିମବଙ୍ଗରେ ହୋଇଥିବା ହିଂସାକାଣ୍ଡର ଏସଆଇଟି ତଦନ୍ତ କୋର୍ଟଙ୍କ ତତ୍ୱାବଧାନରେ କରିବା ପାଇଁ ଆବେଦନରେ ଦର୍ଶାଯାଇଛି। ଏଭଳିକି କେନ୍ଦ୍ର ସରକାର ପଶ୍ଚିମବଙ୍ଗରେ ରାଷ୍ଟ୍ରପତି ଶାସନ ଲାଗୁ କରିବା ସହ କେନ୍ଦ୍ରୀୟ ସୁରକ୍ଷା ବଳ ନିୟୋଜିତ କରିବା ପାଇଁ କୋର୍ଟରେ କହିଛନ୍ତି ଆବେଦନକାରୀ।

ତେବେ ନିର୍ବାଚନ ପରେ ପଶ୍ଚିମବଙ୍ଗରେ ହୋଇଥିବା ହିଂସାକାଣ୍ଡକୁ ନେଇ ରାଜନୀତି ଜାରି ରହିଥିବା ବେଳେ ସୁପ୍ରିମକୋର୍ଟ ଏବେ ନୋଟିସ୍ ଜାରି କରିଛନ୍ତି।

Leave a Reply