କୋଲକାତା: ସମ୍ପତ୍ତି ପାଇଁ ପୁଅ ସାଜିଲା ସୈତାନ। ବାପାକୁ ହତ୍ୟା କଲା ଜନ୍ମ କଲା ପୁଅ। ପଶ୍ଚିମବଙ୍ଗ ମୁସିଦାବାଦ ଜିଲ୍ଲା ସ୍ଥିତ ସମଶେରଗଞ୍ଜ ସୁଲି ତାଲା ଗାଁରେ ହତ୍ୟାକାଣ୍ଡ। ଅବବ୍ଦୁସ ସତାର ନାମକ ବ୍ୟକ୍ତିକୁ ସମ୍ପତ୍ତି ପାଇଁ ନିଜ ଜନ୍ମକଲା ପୁଅ ଦାରେ ହତ୍ୟା କରିଥିବା ସୂଚନା ମିଳିଛି ।
ସୂଚନା ଅନୁସାରେ ଅବବ୍ଦୁସ ସତାର ନିଜ ଘର ସମ୍ପତିକୁ ବିକ୍ରୀ କରି ଯାହା ଟଙ୍କା ଆସିଥିଲା ତିନି ପୁଅଙ୍କୁ ସମାନ ଭାଗରେ ବଣ୍ଟନ କରିଥଲେ। କିନ୍ତୁ ତିନି ଜଣ ପୁଅ ମଧ୍ୟରୁ ମେଶାରଫ୍ ହୁସେନ୍ ଘର ବିକ୍ରୀ ଟଙ୍କା ଭାଗ ବାଣ୍ଟକୁ ଖୁସି ନଥିଲା ଓ ବାପା ସହ ପ୍ରତିଦିନ ମଦ ପିଇ କଳି ଝଗଡା କରୁଥିଲା। ଆହୁରି ଟଙ୍କା ଦରକାର ବୋଲି କହିବାରୁ ବାପା ସହ ହୋଇଥିଲା ଝଗଡ଼ା । ରାଗିଯାଇ ଦାରେ ବାପାକୁ ନିର୍ମମ ଭାବେ ହତ୍ୟା କରିଥିଲା ପୁଅ । ପୋଲିସ ପହଞ୍ଚି ବାପା ହତ୍ୟାକାରୀ ପୁଅ ମେଶାରଫ୍ ହୁସେନ୍କୁ ଗିରଫ କରିଛି।
