ପଶ୍ଚିମବଙ୍ଗ ପୋଲିସର ବର୍ବରତା, ଶିଖ୍ ଯୁବକଙ୍କ ପଗଡି କାଢି ମାରିଲେ…

କୋଲକାତା: ପଶ୍ଚିମବଙ୍ଗ ରାଜଧାନୀ କୋଲକାତାରେ ମମତା ସରକାରଙ୍କ ବିରୋଧରେ ପ୍ରଦର୍ଶନ ଓ ବିକ୍ଷୋଭ ହେଉଛି । ବିଜେପି କର୍ମୀ ମମତାଙ୍କ କାର୍ଯ୍ୟାଳୟ ଘେରାଉ କରିବାକୁ ମଧ୍ୟ ଉଦ୍ୟତ ହୋଇଥିଲେ । ଏହା ମଧ୍ୟରେ ଏକ ଶିଖ୍ ବ୍ୟକ୍ତି ମଧ୍ୟ ବିରୋଧ ପ୍ରଦର୍ଶନରେ ଉପସ୍ଥିତ ଥିଲେ । ପୋଲିସ ଆନ୍ଦୋଳନକୁ ଦମନ କରିବା ପ୍ରୟାସ ବେଳେ ଶିଖ୍ ବ୍ୟକ୍ତିଙ୍କ ସହ ଦୁଃବ୍ୟବହାର କରିଥିବା ନଜର ଆସିଛି ।

प्रियांगू पांडेय की सेक्युरिटी में तैनात बलविंदर सिंह की पगड़ी खीच खीच कर उतारना,सड़क पर घसीट कर बर्बर तरीके से पीटा जाना बंगाल पुलिस की बर्बरता दर्शाता है।@MamataOfficial दोषी पुलिसवालों पर सख्त कार्यवाही करो।
इसी पगड़ी वाले सिखो ने बांग्लादेश बनाया था। https://t.co/stWTeXKmpC

— Impreet Singh Bakshi (मोदी का परिवार) (@impreetsbakshi) October 9, 2020

ଶିଖଙ୍କ ପଗଡି ସେମାନଙ୍କ ସମ୍ମାନ ବୋଲି ବୁଝାଯାଉଥିବା ବେଳେ ପଶ୍ଚିମବଙ୍ଗ ପୋଲିସ ଉକ୍ତ ଶିଖ୍ ଯୁବକଙ୍କ ପଗଡି କାଢି ତାଙ୍କୁ ମାଡ ମାରିଛି । ଦିଲ୍ଲୀ ପୋଲିସର ଏଭଳି ଦମନ ନୀତିକୁ ଶିଖ୍ ସଂପ୍ରଦାୟର କ୍ରୀଡାବିତ୍ ତଥା ଭାରତୀୟର ପୂର୍ବତନ କ୍ରିକେଟର ହରଭଜନ ସିଂହ ବିରୋଧ କରିଛନ୍ତି । ପଶ୍ଚିମବଙ୍ଗ ପୋଲିସକୁ କଡା ଭାଷାରେ ସମାଲୋଚନା କରିଛନ୍ତି । ଟ୍ୱିଟରରେ ରାଗ ଇମୋଜିକୁ ସେୟାର କରି ସେ ମମତା ବାନାର୍ଜୀଙ୍କୁ ଘଟଣା ଉପରେ କାର୍ଯ୍ୟାନୁଷ୍ଠାନ ନେବା ପାଇଁ ଜଣାଇଛନ୍ତି ।

ନିଜ ଟ୍ୱିଇଟରେ ମମତାଙ୍କ କାର୍ଯ୍ୟାଳୟର ଟ୍ୱିଇଟର ଆକାଉଣ୍ଟକୁ ଟ୍ୟାଗ କରି ଏଭଳି ଲେଖିଛନ୍ତି । ଉକ୍ତ ଶିଖ୍ ବ୍ୟକ୍ତିଙ୍କ ନାମ ବଲବିନ୍ଦର ସିଂହ । ସେ ବିଜେପି ସ୍ଥାନୀୟ ନେତା ପ୍ରିୟାଙ୍ଗୁ ପାଣ୍ଡେଙ୍କ ସୁରକ୍ଷା ଦାୟିତ୍ୱରେ ଥିଲେ । ପୋଲିସ ତାଙ୍କୁ ନିର୍ମମ ଭାବେ ମାରୁଥିବା ବେଳେ ତାଙ୍କ ପଗଡିକୁ ମଧ୍ୟ ଟାଣି ବାହାର କରିଦେଇଥିଲେ । ତାଙ୍କ ସହ ଅତି ବର୍ବରତାର ସହ ବ୍ୟବହାର ହୋଇଥିଲା । ଏପରିକି ତାଙ୍କୁ ରାସ୍ତାରେ ଘୋସାରି ନିଆଯାଇଥିଲା । ଏବେ ଶିଖ୍ ସଂପ୍ରଦାୟର ଅନେକ ଲୋକେ ପଶ୍ଚିମବଙ୍ଗ ପୋଲିସର ଏଭଳି କାର୍ଯ୍ୟକଳାପକୁ ବିରୋଧ କରୁଛନ୍ତି । ଏନେଇ ସୋସିଆଲ ମିଡିଆରେ ଏକ ଭିଡିଓ ଭାଇରାଲ ହେଉଛି । ଭିଡିଓ ଦେଖି ସରିବା ପରେ ପଶ୍ଟିମବଙ୍ଗ ସରକାର ପ୍ରତି ଆକ୍ରୋଶ ଆହୁରି ବଢୁଛି ।