ବର୍ଷା ପାଇଁ ଚର୍ଚ୍ଚାରେ ବେଙ୍ଗ ବେଙ୍ଗୁଲି ବାହାଘର

ନନ୍ଦିଘୋଷ ବ୍ୟୁରୋ: ଲାଗାତର ଗ୍ରୀଷ୍ମ ପ୍ରବାହ ଯୋଗୁ ଦିନର ତାପମାତ୍ରା ୪୫ଡିଗ୍ରୀ ଛୁଇଁଥିବା ବେଳେ ଜୀବଜଗତ ଅସ୍ତବ୍ୟସ୍ତ ହୋଇ ପଡିଛନ୍ତି । ସମସ୍ତଙ୍କ ମନ ଅସରାଏ ବର୍ଷା ପାଇଁ ଉଛୁର ହେଉଥିବା ଦେଖିବାକୁ ମିଳୁଛି । ତେବେ ଏ ବିଜ୍ଞାନ ଯୁଗରେ ମଧ୍ୟ ବର୍ଷା ହେବା ପାଇଁ ପାରମ୍ପରିକ ବିଶ୍ୱାସ ଉପରେ ମଣିଷ ଭରସା କରିଛି। ବିଶ୍ୱାସ ଅଛି  ବେଙ୍ଗ ଓ ବେଙ୍ଗୁଲିର ପାରମ୍ପରିକ ରୀତିନୀତିରେ ବିବାହ କରାଇଲେ ବର୍ଷା ହୁଏ । ଏହି ବିଶ୍ୱାସକୁ ପାଥେୟ କରି ପଶ୍ଚିମବଙ୍ଗ ନଦିଆ ଜିଲ୍ଲାର ଶାନ୍ତିପୁର ଥାନା ଅଧୀନ ଦେଶବନ୍ଧୁ କଲୋନୀର ୫ ଟି ବଙ୍ଗାଳି ପରିବାର ମିଶି ଆଜି ମହା ଆଡମ୍ବରରେ ପାରମ୍ପରିକ ରୀତିନୀତି ଓ ଵିଧି ବିଧାନ ଅନୁସାରେ ବେଙ୍ଗ ଓ ବେଙ୍ଗୁଲିର ବିବାହ ସମ୍ପନ୍ନ କରିଛନ୍ତି। କେବଳ ଦେଶବନ୍ଧୁ କଲୋନୀ ନୁହେଁ ଶାନ୍ତିପୁର ଅଞ୍ଚଳର ଶହ ଶହ ଲୋକେ ଏହି ଶୁଭକାର୍ଯ୍ୟରେ ସାମିଲ ହେବା ସହିତ ନବଦମ୍ପତିଙ୍କୁ ଶୁଭେଚ୍ଛା ଜଣାଇଥିଲେ।