ବିଜେପିକୁ ବଡ଼ ଝଟକା, ଟିଏମସିରେ ସାମିଲ୍ ହେଲେ ପୂର୍ବତନ କେନ୍ଦ୍ରମନ୍ତ୍ରୀ ବାବୁଲ୍ ସୁପ୍ରିୟୋ

କୋଲକାତା: ପଶ୍ଚିମବଙ୍ଗରେ ବିଜେପିକୁ ଗୋଟିଏ ପରେ ଗୋଟିଏ ଝଟକା ଦେଉଛି ଟିଏମସି । ପୂର୍ବରୁ ମୋଦି ସରକାରରେ କେନ୍ଦ୍ର ମନ୍ତ୍ରୀ ରହି ସାରିଥିବା ସାଂସଦ ବାବୁଲ ସୁପ୍ରିୟୋ ବିଜେପି ଛାଡ଼ି ଟିଏମସିରେ ସାମିଲ୍ ହୋଇଛନ୍ତି । କିଛିଦିନ ତଳେ ବାବୁଲ୍ ସୁପ୍ରିୟୋ ବିଜେପିରୁ ଇସ୍ତଫା ଦେଇଥିଲେ । ଟିଏମସି ସାଂସଦ ଅଭିଷେକ ବାନାର୍ଜୀ ଓ ଡେରେକ ଓ ବ୍ରାୟନଙ୍କ ଉପସ୍ଥିତିରେ ବାବୁଲ୍ ଦଳରେ ମିଶିଛନ୍ତି ।

Former Union Minister and ex-BJP MP Babul Supriyo formally joins Trinamool Congress (TMC). Supriyo had quit BJP following the recent Union Cabinet reshuffle. pic.twitter.com/Uc5uOU2Izx

— ANI (@ANI) September 18, 2021

ବାବୁଲ୍ ସୁପ୍ରିୟୋ ଟିଏମସିରେ ଯୋଗ ଦେବା ପରେ ଦଳୀୟ ନେତା କୁଣାଳ ଘୋଷ କହିଛନ୍ତି, ଆହୁରି କେତେକ ବିଜେପି ନେତା ଟିଏମସି ନେତାଙ୍କ ସହ ସମ୍ପର୍କରେ ଅଛନ୍ତି । ସେମାନେ ବିଜେପିରେ ସନ୍ତୁଷ୍ଟ ନାହାଁନ୍ତି । ଆଜି ବାବୁଲ୍ ସୁପ୍ରିୟୋ ଯୋଗ ଦେଇଛନ୍ତି, ଅନ୍ୟମାନେ ଟିଏମସି ଆସିବାକୁ ଚାହୁଁଛନ୍ତି । ଏହି ପ୍ରକ୍ରିୟା ଜାରି ରହିବ । ଅପେକ୍ଷା କରନ୍ତୁ, ଦେଖନ୍ତୁ ।…

ସୂଚନାଯୋଗ୍ୟ, ଗତ ଜୁଲାଇରେ ପୂର୍ବତନ କେନ୍ଦ୍ରମନ୍ତ୍ରୀ ଓ ପଶ୍ଚିମବଙ୍ଗର ବରିଷ୍ଠ ନେତା କୁହାଯାଉଥିବା ବାବୁଲ ସୁପ୍ରିୟୋ ରାଜନୀତିକୁ ବାଏ ବାଏ କରିଥିଲେ । ସେ ସୋସିଆଲ୍ ମିଡିଆରେ ଲେଖିଥିଲେ, ସମାଜସେବା ପାଇଁ ରାଜନୀତିକୁ ଆସିଥିଲି । ଏବେ ବାବୁଲ୍ ସୁପ୍ରିୟୋ ତାଙ୍କ ନିଷ୍ପତ୍ତି ବଦଳାଇଛନ୍ତି ।