ଓଡ଼ିଶା ସୀମାରେ ପଶ୍ଚିମବଙ୍ଗର ବେଆଇନ୍ ନିର୍ମାଣ, ଲୋକଙ୍କ ବିରୋଧ
ଜଳେଶ୍ୱର: ଓଡ଼ିଶା ସୀମାରେ ବେଆଇନ ପାଚେରି ନିର୍ମାଣ କରୁଛି ପଶ୍ଚିମବଙ୍ଗ । ପାଚେରି ନିର୍ମାଣ ହେଉଥିବା ସ୍ଥାନଟି ଓଡ଼ିଶାର ହୋଇଥିବାବେଳେ ପଶ୍ଚିମବଙ୍ଗ ପ୍ରଶାସନ ୫୦ ମିଟର ପର୍ଯ୍ୟନ୍ତ ମାଡ଼ି ଆସିଥିବା ଜଣାପଡ଼ିଛି । ସ୍ଥାନୀୟ ଲୋକେ ପ୍ରଶାସନକୁ ଖବର ଦେବାପରେ ଭୋଗରାଇ ଅତିରିକ୍ତ ତହସିଲଦାର ପହଞ୍ଚି ନିର୍ମାଣ କାର୍ଯ୍ୟ ବନ୍ଦ କରିଛନ୍ତି । ବାଲେଶ୍ବର ଜିଲ୍ଲାପାଳଙ୍କ ନିର୍ଦ୍ଦେଶକ୍ରମେ ଅତିରିକ୍ତ ଜିଲ୍ଲାପାଳ ଘଟଣାସ୍ଥଳରେ ପହଞ୍ଚିବେ ବୋଲି ଜଣାପଡ଼ିଛି ।
ଭୋଗରାଇର ଉଦୟପୁର ବେଳାଭୂମି ଉପରେ ଲୋଲୁପ ଦୃଷ୍ଟି ପକାଇଛି ପଶ୍ଚିମବଙ୍ଗ । ସୀମାରେ ପାଚେରି ହେଉଥିବା ନେଇ ଅସନ୍ତୋଷ ଜାହିର କରିଛନ୍ତି ଲୋକେ । କେତେବେଳେ ଗାଁ ଭିତରକୁ ଧସେଇ ପଶୁଛି ତ କେତେବେଳେ ପୁଣି ବେଳାଭୂମିରେ ବେଆଇନ ନିର୍ମାଣ କରୁଛି ପଶ୍ଚିମବଙ୍ଗ । ଯାହାକୁ ବିରୋଧ କରି ଆସୁଛନ୍ତି ସ୍ଥାନୀୟ ଲୋକ ।
