୨ ରାଜ୍ୟ ବଢ଼ାଇଲେ ଲକଡାଉନ୍ ଅବଧି

ନୂଆଦିଲ୍ଲୀ: ଦେଶରେ କରୋନା ସଂକ୍ରମଣ ମାମଲା ଖସୁଥିବା ବେଳେ କିଛି ରାଜ୍ୟରେ ମାମଲା ବଢ଼ୁଛି । କରୋନା ସଂକ୍ରମଣ ମାମଲାକୁ ଦୃଷ୍ଟିରେ ରଖି ପଶ୍ଚିମବଙ୍ଗ ସରକାର ଲକଡାଉନ୍ ସମୟସୀମା ବୃଦ୍ଧି କରିଛନ୍ତି । ରାଜ୍ୟରେ ଜୁନ୍ ୧୫ ତାରିଖ ଯାଏ ଲକଡାଉନ୍ କଟକଣା ବଳବତ୍ତର ରହିବା ନେଇ ମୁଖ୍ୟମନ୍ତ୍ରୀ ମମତା ବାନାର୍ଜୀ ସୂଚନା ଦେଇଛନ୍ତି । ରାଜ୍ୟରେ ଜୁଲାଇ ଶେଷରେ ରାଜ୍ୟ ବୋର୍ଡର ଦ୍ୱାଦଶ ପରୀକ୍ଷା ଏବଂ ଅଗଷ୍ଟ ଦ୍ୱିତୀୟ ସପ୍ତାହରେ ଦଶମ ଶ୍ରେଣୀ ବୋର୍ଡ ପରୀକ୍ଷା ହେବ ବୋଲି ଘୋଷଣା କରିଛନ୍ତି ମୁଖ୍ୟମନ୍ତ୍ରୀ ମମତା ବାନାର୍ଜୀ ।

West Bengal Higher Secondary examinations will be held by the end of July. While Class 10th board exams will be held in the second week of August: West Bengal CM Mamata Banerjee

— ANI (@ANI) May 27, 2021

ଅନ୍ୟପଟେ ବିଶେଷଜ୍ଞଙ୍କ ସୁପାରିସ୍ ଅନୁଯାୟୀ, ପଞ୍ଜାବ ମୁଖ୍ୟମନ୍ତ୍ରୀ କ୍ୟାପଟେନ୍ ଅମ୍ରିନ୍ଦର ସିଂ ଜୁନ୍ ୧୦ ଯାଏ ଲକଡାଉନକୁ ବୃଦ୍ଧି କରିଛନ୍ତି । ଲକଡାଉନ୍ ବଢ଼ିଥିବା ସରକାର କଟକଣାରେ କିଛିଟା କୋହଳ କରିଛନ୍ତି । ଘରୋଇ ଗାଡ଼ିରେ ସୀମିତ ସଂଖ୍ୟା ଯାତ୍ରୀ ନେଇ ଲାଗିଥିବା ପ୍ରତିବନ୍ଧକକୁ ହଟାଇ ଦିଆଯାଇଛି । ଅକ୍ସିଜେନକୁ ମେଡିକାଲ୍ ସହ ଅନ୍ୟ କାର୍ଯ୍ୟରେ ବ୍ୟବହାର ନେଇ ଦିଆଯାଇଛି ଅନୁମତି ।