ପ୍ରତ୍ୟାହୃତ ହେଲା ପଶ୍ଚିମ ଓ ଦକ୍ଷିଣ ଓଡ଼ିଶା ଘରୋଇ ବସ୍ ଧର୍ମଘଟ

ଭୁବନେଶ୍ବର: ପ୍ରତ୍ଯାହୃତ ହେଲା ଆଜି ସନ୍ଧ୍ଯାରୁ ହେବାକୁ ଥିବା ବସ ଧର୍ମଘଟ । ଆନ୍ଦୋଳନ ଡାକରାରୁ ଓହରିଲା ଦକ୍ଷିଣ ଓ ପଶ୍ଚିମାଞ୍ଚଳ ବସ ମାଲିକ ସଂଘ । ପରିବହନ ମନ୍ତ୍ରୀଙ୍କ ସହ ଆଲୋଚନା ପରେ ସଂଘ ଆନ୍ଦୋଳନ ଡାକରା ପ୍ରତ୍ଯାହୃତ କରିଛି ।

ସଂଘ ପକ୍ଷରୁ କୁହାଯାଇଛି, ମନ୍ତ୍ରୀଙ୍କ ସହ ଆଲୋଚନା ସଫଳ ହୋଇଛି । ଟାୟାର ଟୁ ଅର୍ଥାତ ବ୍ଲକରୁ ଜିଲ୍ଲା ମୁଖ୍ଯାଳୟକୁ ଗଡୁଥିବା ବସର ପରିମିଟ ରଦ୍ଦ କରିବା ସହ ଆଗକୁ ନୂଆ ପରିମିଟ ନଦେବାକୁ ମନ୍ତ୍ରୀ ପ୍ରତିଶ୍ରୁତି ଦେଇଛନ୍ତି । ଏଣୁ ଆନ୍ଦୋଳନ ପ୍ରତ୍ଯାହାର କରିବାକୁ ନିଷ୍ପତ୍ତି ନିଆଯାଇଛି ।

ମୁଖ୍ଯମନ୍ତ୍ରୀ ବସ ସେବା ଯୋଜନାରେ ବ୍ଲକ ସ୍ତରରେ ଚଳାଚଳକୁ ବିରୋଧ କରି ସନ୍ଧ୍ଯାରୁ ୨୪ ଘଣ୍ଟିଆ ବସ ଚଳାଚଳ ବନ୍ଦ ଡାକରା ଦେଇଥିଲା ପଶ୍ଚିମାଞ୍ଚଳ ଓ ଦକ୍ଷିଣାଞ୍ଚଳ ଘରୋଇ ବସ୍ ମାଲିକ ସଂଘ । ୧୩ ଜିଲ୍ଲାର ପ୍ରାୟ ୨୪ଟି ଘରୋଇ ବସ୍ ମାଲିକ ସଂଘ ଧର୍ମଘଟ କରିବେ ବୋଲି ଘୋଷଣା କରିଥିଲେ । ଟାୟାର ଟୁ ବସ ଚଳାଚଳ ଦ୍ବାରା ସେମାନଙ୍କର କ୍ଷତି ହେଉଥିବାରୁ ଏହି ବସ ଚଳାଚଳ ବନ୍ଦ କରିବାକୁ ଦାବି କରିଥିଲେ ।