ଆକ୍ସନ ମୋଡ଼ରେ ଓ୍ୱେସ୍କୋ, ବିଲ୍ ବାକି ଥିବା ଉପଭୋକ୍ତାଙ୍କ କାଟୁଛି ବିଦ୍ୟୁତ
ରାଉରକେଲା: ପଶ୍ଚିମ ଓଡ଼ିଶାରେ ଆକ୍ସନ ମୋଡ଼ରେ ଓ୍ୱେସ୍କୋ । ବିଲ୍ ବାକି ଥିବା ଉପଭୋକ୍ତାଙ୍କ ଘର ଓ ବ୍ୟବସାୟୀକ ପ୍ରତିଷ୍ଠାନରୁ ଓ୍ୱେସ୍କୋ ପକ୍ଷରୁ ଆଜିଠାରୁ ବିଦ୍ୟୁତ୍ ବିଚ୍ଛିନ୍ନ ଅଭିଯାନ ଆରମ୍ଭ ହୋଇଛି ।
୨୫ ହଜାରରୁ ଅଧିକ ଟଙ୍କାର ବିଲ୍ ପଇଠ କରିନଥିବା ସୁନ୍ଦରଗଡ଼ ଜିଲ୍ଲାର ୪୯ ହଜାର ବିଦ୍ୟୁତ ଉପଭୋକ୍ତାଙ୍କୁ ନୋଟିସ୍ ଦିଆଯାଇଥିଲା । କିନ୍ତୁ ନିର୍ଦ୍ଦିଷ୍ଟ ସମୟ ମଧ୍ୟରେ ବିଲ୍ ପଇଠ କରିନଥିବାରୁ ଆଜିଠାରୁ ଉପଭୋକ୍ତାଙ୍କ ବିଦ୍ୟୁତ୍ ସଂଯୋଗ ବିଚ୍ଛିନ୍ନ କରିବା କାର୍ଯ୍ୟ ଆରମ୍ଭ ହୋଇଛି ।
ସୁନ୍ଦରଗଡ଼ ଜିଲ୍ଲାରେ ଏଥିପାଇଁ ୪୫ଟି ଟିମ୍ ନିୟୋଜିତ ହୋଇଛନ୍ତି । ସେପଟେ ନୂଆପଡ଼ାରେ ଲାଇନ୍ କାଟ ବେଳେ ଉତ୍ତେଜନା ଦେଖାଦେଇଛି । କିସ୍ତିରେ ବିଲ୍ ଆଦାୟ କରିବାକୁ ପଶ୍ଚିମାଞ୍ଚଳ ଏକତା ମଞ୍ଚ ପକ୍ଷରୁ ଦାବି କରାଯାଇଛି ।
