ଗବେଷଣା: ଓଜନ କମ କରେ ପାନମଧୁରୀ
ଖାଦ୍ୟରେ ପାନମଧୁରୀକୁ ମସଲା ଭାବରେ ବ୍ୟବହାର କରାଯାଏ । ଏହାକୁ ଅଧିକାଂଶ ଲୋକ ମାଉଥ ଫ୍ରେଶନର ଭାବରେ ମଧ୍ୟ ଉପଯୋଗ କରନ୍ତି । ପାନମଧୁରୀକୁ ଚୋବାଇବା ଦ୍ୱାରା ମୁହଁରୁ ଦୁର୍ଗନ୍ଧ ଦୂର ହେବା ସହିତ ଏକାଧିକ ଲାଭ ମିଳିଥାଏ । ଔଷଧୀୟ ଗୁଣରେ ଭରପୂର ମାନପଧୁରୀକୁ ଖାଇବା ଦ୍ୱାରା ହଜମ ଶକ୍ତି ବଢିଥାଏ । ସବୁଠାରୁ ଖାସ କଥା ହେଉଛି ପାନମଧୁରୀ ଅପେକ୍ଷା ଏହାର ପାଣି ଅଧିକ ଫଳପ୍ରଦ ହୋଇଥାଏ । ଏଥିରେ ପ୍ରଚୁର ପରିମାଣରେ ପୋଷକ ତତ୍ତ୍ୱ ଭରି ରହିଥାଏ । ଯାହାଦ୍ୱାରା ଏସିଡିଟି ସମେତ ପେଟ ସମ୍ବଦ୍ଧୀୟ କେତେକ ସମସ୍ୟା ଦୂର ହୋଇଥାଏ ।
ସକାଳେ ଖାଲି ପାଟରେ ପାନମଧୁରୀର ପାଣି ସେବନ କରିବା ଦ୍ୱାରା ଓଜନ ହ୍ରାସ ହୋଇଥାଏ । ଏହା ମେଟାବୋଲିଜିମକୁ ବଢାଇଥାଏ । ଏହାଦ୍ୱାରା ଶରୀର ଅଧିକ ଫ୍ୟାଟକୁ ବର୍ନ କରିବାରେ ସକ୍ଷମ ହୋଇଥାଏ । ଏଥିପାଇଁ ରାତିରେ ପାନମଧୁରୀକୁ ପାଣିରେ ଭିଜାଇ ରଖନ୍ତୁ ଏବଂ ସକାଳେ ତାହାକୁ ପିଅନ୍ତୁ ।
ଝିଅ ମାନଙ୍କ ମାସିକ ସମସ୍ୟାରେ ହେଉଥିବା ଯନ୍ତ୍ରଣାରୁ ରକ୍ଷା ପାଇବା ପାଇଁ ପାନମଧୁରୀର ପାଣିକୁ ପିଇପାରିବେ । କେବଳ ସେତିକି ନୁହେଁ ରକ୍ତଚାପକୁ ନିୟନ୍ତ୍ରଣ କରେ ବୋଲି ବାଂଲାଦେଶରେ ଏକ ଅଧ୍ୟୟନରୁ ଜଣାପଡ଼ିଛି । ପାନମଧୁରୀ ଶରୀରରୁ ଖରାପ ପଦାର୍ଥକୁ ବାହାର କରି ପରିଷ୍କାର ରଖିଥାଏ ।
