ବିଜେଡିର ସପ୍ତାହବ୍ୟାପୀ ଜୀବନ ବିନ୍ଦୁ କାର୍ଯ୍ୟକ୍ରମ : ୧୦ ହଜାର ୟୁନିଟ୍ ରକ୍ତ ସଂଗ୍ରହ ଲକ୍ଷ୍ୟ
କ୍ରାନ୍ତିଦିବସରୁ ଅଗଷ୍ଟ ୧୫ ତାରିଖ ପର୍ଯ୍ୟନ୍ତ ସପ୍ତାହବ୍ୟାପୀ ରକ୍ତଦାନ କାର୍ଯ୍ୟକ୍ରମ ଆରମ୍ଭ କରିବ ବିଜେଡି । ଓଡ଼ିଶା ମୋ ପରିବାର ଓ ଜୀବନ ବିନ୍ଦୁ ଜରିଆରେ ୧୦ହଜାର ୟୁନିଟ ରକ୍ତ ସଂଗ୍ରହ କରିବାକୁ ଦଳ ଲକ୍ଷ୍ୟ ରଖିଛି । କରୋନା ମହାମାରୀ ସମୟରେ ଯେମିତି ରକ୍ତ ଅଭାବରୁ କୌଣସି ଲୋକର ଜୀବନ ନଯାଏ ସେଥିଲାଗି କ୍ରାନ୍ତି ଦିବସରୁ ସ୍ୱାଧୀନତା ଦିବସ ପର୍ଯ୍ୟନ୍ତ ସପ୍ତାହବ୍ୟାପୀ ରକ୍ତଦାନ କାର୍ଯ୍ୟକ୍ରମ ହାତକୁ ନେଇଛି ।
୩୦ଟି ଜିଲ୍ଳାରେ ଏହି ଅଭିଯାନକୁ କ୍ରାନ୍ତି ଦିବସରୁ ଆରମ୍ଭ କରିବ ବିଜେଡ଼ି । କୋଭିଡ଼ ନିୟମ ମାନି ସାଂସଦ, ବିଧାୟକ,ମନ୍ତ୍ରୀ , ସ୍ୱେଚ୍ଛାସେବୀମାନେ ଏହି ଅଭିଯାନକୁ ସଫଳ କରିବା ପାଇଁ ଦଳ ପକ୍ଷରୁ ପରାମର୍ଶ ଦିଆଯାଇଛି । ସେହିପରି କେନ୍ଦ୍ର ମାନବ ସମ୍ବଳବିଭାଗ ପକ୍ଷରୁ ଆଜିଠାରୁ ଗନ୍ଦେଗି ମୁକ୍ତ ଅଭିଯାନ ସପ୍ତାହ ବ୍ୟାପୀ ଆରମ୍ଭ କରାଯିବ । ଯାହା ସ୍ୱଚ୍ଛଭାରତ ଅଭିଯାନ ପରି କେନ୍ଦ୍ର ସରକାରଙ୍କ ଲୋକପ୍ରିୟ ଅଭିଯାନ ବୋଲି ବିଜେପି କହିଛି । ସେପଟେ କଂଗ୍ରେସ ଉଭୟ ବିଜେପି ଓ ବିଜେପି ସରକାର ବିରୋଧରେ । ଯାହାକୁ ନେଇ ରାଜ୍ୟ ରାଜନୀତି ସରଗରମ ହୋଇଛି ।
