ରାଜ୍ୟରେ ଭୀଷଣ ଗ୍ରୀଷ୍ମପ୍ରବାହ ଜାରି, ଆଗାମୀ ୩ ଦିନ ଯାଏଁ ତାତିରୁ ନାହିଁ ତ୍ରାହି
ଭୁବନେଶ୍ୱର: କମିବାର ନାଁ ଧରୁନି ଗ୍ରୀଷ୍ମପ୍ରବାହ। ଆହୁରି ୩ ଦିନ ପ୍ରବଳ ଖରା ନେଇ ପାଣିପାଗ କେନ୍ଦ୍ର ପକ୍ଷରୁ ସତର୍କ ଜାରି କରାଯାଇଛି। ୧୨ ଜିଲ୍ଲାକୁ ରେଡ ଆଲର୍ଟ ଜାରି କରାଯାଇଛି। ମୟୂରଭଞ୍ଜ, କେନ୍ଦୁଝର, ଅନୁଗୁଳ, ଢେଙ୍କାନାଳ, ବାଲେଶ୍ବର, ଭଦ୍ରକ, କେନ୍ଦ୍ରାପଡା, ଯାଜପୁର, କଟକ, ଖୋର୍ଦ୍ଧା, ନୟାଗଡ଼, ଝାରସୁଗୁଡା, ବୌଦ୍ଧକୁ ରେଡ ଆଲର୍ଟ ଜାରି କରାଯାଇଛି। ୩ ଓ ୪ ତାରଖ ବେଳକୁ ପାଗରେ ସାମାନ୍ଯ ପରିବର୍ତ୍ତନ ହେବାକୁ ଥିଲେ ସୁଦ୍ଧା ଅରେଞ୍ଜ ଆଲର୍ଟରେ ରହିବ ଆଭ୍ଯନ୍ତରୀଣ ଓଡ଼ିଶା। ଉପକୂଳ ଅଞ୍ଚଳରେ ୩ ରୁ ୪ ଡିଗ୍ରୀ କମିପାରେ ତାପମାତ୍ରା ।
ଗତକାଲି ବାରିପଦାରେ ସର୍ବକାଳୀନ ତାପମାତ୍ରା ରେକର୍ଡ ହୋଇଥିଲା। ଚଳିତ ସିଜିନରେ ପ୍ରଥମ ଥର ୪୬ ଡିଗ୍ରୀ ପାର କରିଥିଲା ତାପମାତ୍ରା। ୪୬.୪ ଡିଗ୍ରୀ ସହ ବାରିପଦା ସବୁଠାରୁ ଉତ୍ତପ୍ତ ଥିବାବେଳେ ବାଲେଶ୍ବରରେ ମଧ୍ଯ ୪୬ ଡିଗ୍ରୀ ତାପମାତ୍ରା ରେକର୍ଡ କରାଯାଇଥିଲା। ବାରିପଦା ଓ ବାଲେଶ୍ବର ବିଶ୍ବର ଦ୍ବିତୀୟ ଓ ତୃତୀୟ ଉତ୍ତପ୍ତ ସହରର ହୋଇଥିବାବେଳେ ଭୁବନେଶ୍ବର ଦଶ ନମ୍ବର ସ୍ଥାନରେ ରହିଥିଲା ।
