ରାଜଧାନୀ ସମେତ ରାଜ୍ୟର ବିଭିନ୍ନ ସ୍ଥାନରେ ବର୍ଷା ରେକର୍ଡ

ଭୁବନେଶ୍ବର : ରାଜଧାନୀ ସମେତ ରାଜ୍ୟର ବିଭିନ୍ନ ସ୍ଥାନରେ ବର୍ଷା ରେକର୍ଡ ହୋଇଛି। ମୟୂରଂଭଂଜର ବାରିପଦାରେ ଗତ ୨୪ ଘଣ୍ଟା ମଧ୍ୟରେ ସର୍ବାଧିକ ୧୧୭. ୩ ମିଲିମିଟର ବର୍ଷା ହୋଇଛି। ସେହିପରି  କେନ୍ଦୁଝର ଯୋଡ଼ାରେ ୮୪. ୫, ରାଜଗାଙ୍ଗପୁରରେ ୭୦. ୨, କେନ୍ଦୁଝର ସହରପଦାରେ ୬୧. ୬, କେନ୍ଦୁଝର ଚମ୍ପୁଆରେ ୬୦. ୨, କରଂଜିଆରେ ୫୭ ମିଲିମିଟର ବର୍ଷା ରେକର୍ଡ ହୋଇଛି। ସେହିପରି ବାଲେଶ୍ଵରର ସୋରରେ ୫୪ ମିଲିମିଟର, ସୁନ୍ଦରଗଡ଼ ଲାଠିକଟାରେ ୫୩, ସୁନ୍ଦରଗଡ଼ରେ ନୂଆଗାଁରେ ୫୨ ମିଲିମିଟର, କେନ୍ଦୁଝର ଝୁମ୍ପୁରାରେ ୫୧. ୬ ମିଲିମିଟର ବର୍ଷା ରେକର୍ଡ ହୋଇଛି। ଭୁବନେଶ୍ବରରେ କାଳବୈଶାଖିର ପ୍ରଭାବ ଦେଖିବାକୁ ମିଳିଛି । କାଳବୈଶାଖୀ ପ୍ରଭାବରେ ରାଜଧାନୀର କେତେକ ସ୍ଥାନରେ ବର୍ଷା ହୋଇଛି । ଆଉ କେତେକ ସ୍ଥାନରେ ଝିପିଝିପି ବର୍ଷା ଲାଗି ରହିଥିବା ଦେଖିବାକୁ ମିଳିଛି । ଆହୁରି ୩ ଦିନ ରାଜ୍ୟରେ କାଳବୈଶାଖୀ ଜନିତ ବର୍ଷା ସମ୍ଭାବନା ରହିଛି l କିଛି ସ୍ଥାନରେ କୁଆ ପଥର ବର୍ଷା ହୋଇଥିବା ବେଳେ ଆସନ୍ତା ୨୪ ଯାଏଁ କାଳ ବୈଶାଖୀ ବର୍ଷା ଜାରି ରହିବ ବୋଲି ପୂର୍ବାନୁମାନ କରିଛି ପାଣିପାଗ କେନ୍ଦ୍ର।ପରେ ୨୫ ତାରିଖ ପରଠାରୁ ଧୀରେ ଧୀରେ ତାପମାତ୍ରା ବୃଦ୍ଧି ପାଇବା ବୋଲି କହିଛି ପାଣିପାଗ ବିଭାଗ।