ନନ୍ଦିଘୋଷ ବ୍ୟୁରୋ : ଦିନରେ ତତାଉଛି । ଅପରାହ୍ନରେ ଭିଜାଉଛି ପାଣିପାଗ । ସାରା ରାଜ୍ୟରେ ଏଭଳି ସ୍ଥିତି ଲାଗି ରହିଛି । ଭୁବନେଶ୍ବରର ଓ କଟକରେ ତାଣ୍ଡବ ରହିଛି କାଳବୈଶାଖୀ । ବିଭିନ୍ନ ସ୍ଥାନରେ ଗଛ ଉପୁଡି ପଡିଥିବା ବେଳେ ହୋର୍ଡିଂ ଗୁଡିକ ଭାଙ୍ଗିଯାଇଛି । ବର୍ଷା ବେଳେ ରାସ୍ତାଘାଟ ଦେଖାଯାଇ ନଥିଲା । ଆସନ୍ତା ୧୨ ତାରିଖ ଯାଏ ଦିନରେ ଗରମ ଓ ଅପରାହ୍ନରେ କାଳବୈଶାଖୀ ନେଇ ୱାର୍ଣ୍ଣିଂ ଜାରି ହୋଇଛି ।
ଦିନ ତାପମାତ୍ରା ରେ ୨ ରୁ ୩ ଡିଗ୍ରୀ ବୃଦ୍ଧି ପାଇବ ବୋଲି ପାଣି ପାଗ ବିଭାଗ ଆକଳନ କରିଛି l ସେପଟେ କାଳବୈଶାଖୀ ବର୍ଷା ପାଇଁ ୧୧ ଜିଲ୍ଲାକୁ ଅରେଞ୍ଜ ଓ ୧୬ ଜିଲ୍ଲାକୁ ୟେଲୋ ୱାର୍ଣ୍ଣିଂ ଜାରି କରାଯାଇଛି । ସମସ୍ତ ଜିଲ୍ଲାରେ ବର୍ଷା ଘଡଘଡି ବିଜୁଳି ସହ ୫୦ ରୁ ୬୦ କିଲୋମିଟର ବେଗରେ ପବନ ବହିବା ସମ୍ଭାବନା ରହିଛି ।
