ଖରିଫ ଚାଷ ପାଇଁ ହୀରକୁଦ ଜଳ ଭଣ୍ଡାରରୁ ନିଷ୍କାସିତ ହେବ ଜଳ
ସମ୍ୱଲପୁର: ବିଗତ କିଛି ଦିନ ହେବ ଛତିଶଗଡରେ ଭଲ ବର୍ଷା ହେବା ପରେ ଆସନ୍ତା କାଲି ମଙ୍ଗଳବାର ୬ ଟି ବ୍ୟାରେଜର ବନ୍ୟା ଜଳ ନିଷ୍କାସନ କରାଯିବ ବୋଲି ଜଣାପଡିଛି । ସେପଟେ ବର୍ତ୍ତମାନ ହୀରାକୁଦ ଜଳଭଣ୍ଡାରର ଜଳପତ୍ତନ ୬୦୭.୬୫ ଫୁଟ ରହିଛି ।
ସେହିପରି ମଙ୍ଗଳବାର ଦିନ ଶାଶନ କେନାଲରେ ଖରିଫ ଋତୁ ପାଇଁ କେନାଲରେ ପାଣି ଛଡାଯିବ ବୋଲି ହୀରାକୁଦ ବନ୍ଧ କର୍ତ୍ତୃପକ୍ଷଙ୍କ ପକ୍ଷରୁ ସୂଚନା ମିଳିଛି । ସମ୍ବଲପୁର ଜିଲ୍ଲାର ରେଙ୍ଗାଲୀରେ ସର୍ବାଧିକ ୬୭ ମିଲିମିଟର ବର୍ଷା ରେକର୍ଡ କରାଯାଇଥିବା ବେଳେ ସମ୍ବଲପୁର ସହରରେ ୨୮ ମିଲିମିଟର ବର୍ଷା ରେକର୍ଡ କରାଯାଇଛି ।
ସୂଚନା ଯୋଗ୍ୟ ଯେ, ହୀରାକୁଦ ଜଳଭଣ୍ଡାରେ ଜଳସ୍ତର ୫୯୦ ଫୁଟ ରହିବା ଡ୍ୟାମ୍ର ସୁରକ୍ଷା ଦୃଷ୍ଟିରୁ ଉଚିତ୍ । ତେବେ ବର୍ଷା ପରେ ଏଠାର ଜଳସ୍ତର ୧୭ ଫୁଟ ବଢ଼ିଛି । ଅପରପକ୍ଷରେ ବର୍ତ୍ତମାନ ଖରିଫ ଚାଷ କରାଯାଉଥିବାରୁ ଚାଷୀଙ୍କୁ ଫସଲ ପାଇଁ ଜଳର ଆବଶ୍ୟକତା ରହିଛି ଏଣୁ ଏହି କେନାଲ ଦ୍ୱାରା ଏହି ଜଳ ନିଷ୍କାସନ କରାଯିବାକୁ ଡ୍ୟାମ୍ କର୍ତ୍ତୃପକ୍ଷଙ୍କ ଦ୍ୱାରା ନିଷ୍ପତ୍ତି ନିଆଯାଇଛି ।
