ତଳିଆ ଅଞ୍ଚଳରେ କମୁଛି ଜଳସ୍ତର, ୪ ଗେଟରେ ଆସୁଛି ପାଣି

ଭୁବନେଶ୍ୱର: ଦୁଇଦିନ ମଧ୍ୟରେ ଆସିପାରେ ସ୍ବାଭାବିକ ସ୍ଥିତି । ତଳିଆ ଅଞ୍ଚଳରେ କମୁଛି ଜଳସ୍ତର । ତେଣୁ ଆତଙ୍କିତ ନହେବାକୁ ପରାମର୍ଶ ଦେଇଛନ୍ତି ଜଳସମ୍ପଦ ବିଭାଗ ସର୍ବୋଚ୍ଚ ଯନ୍ତ୍ରୀ ବିଜୟ ମିଶ୍ର । ହୀରାକୁଦରୁ ୪ଗେଟ୍ ଦେଇ ବନ୍ୟାଜଳ ନିଷ୍କାସିତ ହେଉଛି । ଆସନ୍ତାକାଲି ଗେଟ ବନ୍ଦ ନେଇ ନିଷ୍ପତ୍ତି ନିଆଯିବ । ବର୍ତ୍ତମାନ ହୀରାକୁଦ ଜଳଭଣ୍ଡାରର ଜଳସ୍ତର ୬୨୦.୮୦ ଫୁଟ ରହିଥିବା ସୂଚନା ଦେଇଛନ୍ତି ସର୍ବୋଚ୍ଚ ଜଳସମ୍ପଦ ଯନ୍ତ୍ରୀ ।

ସେପଟେ ମୁଣ୍ଡଳୀରେ ଜଳସ୍ତର କମିବାରେ ଲାଗିଛି । ବୁଢ଼ାବଳଙ୍ଗ, ବୈତରଣୀ, ବଂଶଧାରା ବଢ଼ୁଛି । ବୈତରଣୀ ଆନନ୍ଦପୁରଠାରେ ବିପଦ ସଂକେତ ଟପିଛି । କାଶୀନଗରରେ ବିପଦ ସଂକେତ ଉପରେ ରହିଛି ବଂଶଧାରା । ବର୍ଷା ଯୋଗୁଁ ବିଭିନ୍ନ ସ୍ଥାନରେ ଜଳସ୍ତର ସାମନ୍ୟ ବଢିଛି ତେବେ ଦୁଇଦିନ ମଧ୍ୟରେ ସ୍ୱାଭାବିକ ସ୍ଥିତି ଆସିପାରେ ବୋଲି କହିଛନ୍ତି ଜଳସମ୍ପଦ ବିଭାଗ ସର୍ବୋଚ୍ଚ ଯନ୍ତ୍ରୀ ।